კიევის სასამართლოს წინაშე, ომის დანაშაულის საქმეზე, პირველი რუსი ჯარისკაცი წარდგება - ვინ არის და რა ედება ბრალად ოკუპანტს
კიევის სასამართლოში დღეს შესაძლო ომის დანაშაულის საქმეზე პირველი რუსი ჯარისკაცის პროცესი დაიწყება.
მედიის ინფორმაციით, ბრალდებული, რომელიც კიევის რაიონული სასამართლოს წინაშე წარდგება, კანტემიროვსკაიას სატანკო დივიზიის მეთაური, 21 წლის ვადიმ შისიმარინია. ის 62 წლის უკრაინელი მშვიდობიანი მოქალაქის მკვლელობაშია ბრალდებული და ამჟამად წინასწარ პატიმრობაში იმყოფება.
გავრცელებული ინფორმაციით, სერჟანტი შისიმარინი სუმის ოლქში იბრძოდა, როდესაც მან 28 თებერვალს, სოფელ ჩუპახივკაში მშვიდობიანი მოქალაქე მოკლა. კერძოდ, მან ცეცხლი გაუხსნა სამოქალაქო ავტომობილს.