20
ივნისიდღის ზოგადი ასტროლოგიური პროგნოზი
უკრაინის სოფელ ბელოგოროვკაში, რუსი სამხედროების მიერ სკოლის დაბომბვის შემდეგ ორი ადამიანის ცხედარი იპოვეს, ხოლო ნანგრევების ქვეშ 60 ადამიანია ჩარჩენილი, რომლებზეც შიშობენ, რომ დაღუპულები არიან. ამის შესახებ ლუგანსკის ოლქის გუბერნატორმა სერგი გაიდაიმ განაცხადა.
მისივე თქმით, რუსეთმა შაბათს შუადღისას იერიში მიიტანა სკოლაზე, რომელსაც დაახლოებით 90 ადამიანი აფარებდა თავს.
რუსულმა დაბომბვამ ხანძარი გამოიწვია, რომელმაც მთელი შენობა მოიცვა. ოცდაათი ადამიანის გადარჩენა მოხერხდა.
"ცეცხლი თითქმის ოთხი საათის შემდეგ ჩააქრეს, შემდეგ ნანგრევები გაიწმინდა და, სამწუხაროდ, ორი ადამიანის ცხედარი იპოვეს. სამოცი ადამიანი სავარაუდოდ შენობების ნანგრევების ქვეშ დაიღუპა“, - დაწერა გაიდაიმ "ტელეგრამის” საკუთარ არხზე.
"ეს არის "რუსული სამყაროს" ნამდვილი სისასტიკე: ბავშვების მკვლელობა. მათ არ აინტერესებთ, ვის მოკლავენ. არ შეიძლება სამხედრომ მოკლას დაუცველი ბავშვი", - აღნიშნა გაიდაიმ.
გარდა ამისა, გაიდაიმ დასძინა, რომ წინასწარი ინფორმაციით, სოფელ შიპილოვოში რუსული დაბომბვის შედეგად სახლი დაინგრა, რის შედეგადაც 11 ადამიანი შენობის ნანგრევებში მოყვა.
ცნობისთვის, 7 მაისს რუსმა დამპყრობლებმა ავიაბომბი ჩამოაგდეს სოფელ ბელოგოროვკას სკოლაში, რომლის სარდაფში 90-მდე ადამიანი იმალებოდა.
სკოლაში ნაცისტები იჯდნენ. და საერთოდ ნუ გადახვედით ნაციზმის მხარდაჭერთა რიგებში.
ბარბაროსები!