მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დირექტორებმა გამომიძახეს და ის მათქმევინეს, რაც უნდოდათ... ყველაფერი ავიღე ჩემს თავზე" - ბაქრაძის საქმის ფიგურანტი ექიმის ჩვენება: რა ახალი დეტალები იკვეთება?
07:46 / 07-05-2022
4 მაისს, ახალციხის რაიონულ სასამართლოში მეგი ბაქრაძის საქმეზე ერთ-ერთი ბრალდებული ექიმის, ვიოლეტა ინასარიძის პროცესი გაიმართა. როგორც ცნობილია, მას გამოძიება ცრუ ინფორმაციის მიწოდებას ედავება.
გუშინდელ პროცესზე ინასარიძემ განცხადება გააკეთა, სადაც თქვა, რომ ცრუ ინფორმაცია კლინიკის ადმინისტრაციის დავალებით გაავრცელა. პროცესის დეტალებსა და ინასარიძის ჩვენებას "სამხრეთის კარიბჭე" ავრცელებს.
"მაშინ ისეთი სიტუაცია იყო, რომ შოკში ვიყავი. როცა მზია კაკოშვილს [კლინიკური მენეჯერი] ვეკითხებოდი, რა უნდა მეთქვა, მეუბნებოდა, რომ რაც პროტოკოლში ეწერა ის თქვიო. იმ ინტერვიუშიც ეგ ვთქვი. როცა აზრზე მოვედი, მერე მივხვდი, რომ სიმართლე უნდა მეთქვა, იმიტომ, რომ ყველაფერი, დავიბრალე მე, რაც არ გამიკეთებია. სრულ ჭკუაზე რომ ვყოფილიყავი, ასეთ სისულელეს ვიტყოდი ინტერვიუში იმ დღეს?
დირექტორებმა გამომიძახეს და ის მათქმევინეს, რაც უნდოდათ რომ მეთქვა და ჩემს თავზე ამეღო ყველაფერი. მერე რომ მივხვდი რა ხდება და გამომძიებელმა თვითონ მაჩვენა, რომ ნახევარ საათზე მეტი ვიყავი (საამცრელო ოთახში). აცრაც უფრო ადრე იყო გაკეთებული, ვიდრე ოფიციალურად დააფიქსირეს (შესაბამის დოკუმენტში)“,- განაცხადა მან.
"სამხრეთის კარიბჭის" ინფორმაციით, ინასარიძემ ასევე განმარტა, რომ სამედიცინო ისტორიაში (ფორმა 100), მეგი ბაქრაძისთვის ადრენალინის გაკეთების შესახებ ჩანაწერი მას არ შეუტანია.
"ისტორია შეადგინა კლინიკურმა მენეჯერმა, ვინც იყო რეანიმატოლოგი, მან. მეც იქ ვიყავი და მომაწერინეს ხელი. ნუ გეშინია, მოაწერე, ჩვენ ყველა ვაწერთო და მეც მოვაწერე. ფორმა 100-საც მოვაწერე ხელი. ყველაფერი ავიღე ჩემს თავზე. 24 მარტს მე თავად მივმართე გამომძიებელს, რომ ხელახალი დაკითხვა მომხდარიყო ჩემი" - ამბობს ის.
შეგახსენებთ, რომ 18 მარტს კლინიკა "იმედის“ ექთანი, მეგი ბაქრაძე ახალციხეში "ასტრაზენეკას“ ვაქცინის გაკეთების შემდეგ ცუდად გახდა და მეორე დღეს, 19 მარტს თბილისში, პირველ საუნივერსიტეტო კლინიკაში გარდაიცვალა. პაციენტის გარდაცვალების მიზეზად ანაფილაქსიური რეაქცია და ფილტვის ემბოლია დასახელდა. აღნიშნულ საქმესთან დაკავშირებით, ორი ექიმი, ვიოლეტა ინასარიძე, გიორგი აფციაური და ერთი მედდა, შეცვლილი ჩვენების გამო, პასუხისგებაში მისცეს.
ვიოლეტა ინასარიძემ ჟურნალისტებთან 20 მარტს განაცხადა, რომ ცუდად გახდომის დროს ის და რეანიმატოლოგი გიორგი აფციაური კლინიკაში იმყოფებოდნენ და პაციენტს პირველად დახმარებას უწევდნენ, თუმცა მოგვიანებით გამოძიებასთან აღიარეს, რომ კლინიკა მეგი ბაქრაძის აცრის შემდეგ მალევე დატოვეს და მისი ცუდად გახდომის დროს კონფერენციას ესწრებოდნენ.
სამსახურიდან გათავისუფლებულ ექიმებს ბრალი სისხლის სამართლის კოდექსის 370-ე მუხლის მეორე ნაწილით აქვთ წაყენებული და აღკვეთის ღონისძიების სახით გირაო აქვთ შეფარდებული. საქმეზე წინანასამართლო სხდომა 20 ივლისს არის ჩანიშნული. მედდის გარდაცვალების საქმეზე გამოძიება სისხლის სამართლის კოდექსის 116-ე მუხლით მიმდინარეობს, რაც სიცოცხლის გაუფრთხილებლობით მოსპობას გულისხმობს.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რამდენი ანტივაქსერი ხართ, ამიტომაც არ მიდის წინ საქართველო. პროგრესი თქვენ არ გინდათ და შრომა. მეტყვით შრომა რა შუაშიაო. იმ შუაშია, რომ ვაქცინა გაუკეთეს და მიატოვეს თავისი კოლეგა. იქ რომ ყოფილიყვნენ, ერთ ნემსს გაუკეთებდნენ და ქალი/დედა/ცოლი გადარჩებოდა. ამის საჯარო განხილვა არის აუცილებელი, სასამართლოს შემდეგ. უნდა იყო პროფესიონალი შენ საქმეში, რაც გულისხმობს პროცედურების, წესების, კანონების დამორჩილებას, თორე შეიძლება მაგარი მცოდნე (თეორიულად) ექიმი იყო, მაგრამ შენი სიზარმაცით, არასწორი დაგეგმვით კაცი მოკლა.
ვაქცინის გამოცდა 5-6 წელი სჭირდება. არავინ იცის კიდევ რა უარყოფით შედეგებს მოიტანს აცრიებზე ვამბობ