მნიშვნელოვანი ინფორმაცია
12
ივლისიდღის ზოგადი ასტროლოგიური პროგნოზი
შაბათი, მთვარის მეთვრამეტე დღე დაიწყება 23:22-ზე, მთვარე მერწყულშია – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ზედმეტი აქტიურობა შედეგს არ მოიტანს. არ აიღოთ ზედმეტი სამუშაო და რთული პროექტები. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ერთხელ ხომ უნდა გადაიდგას ნაბიჯი, რომ შემოვტრიალდეთ სინათლისკენ, სადაც ერთმანეთს თვალს გავუსწორებთ და ვიქნებით მოწყალენი, რადგან შეუცდომელი არ არსებობს" - მეუფე გრიგოლი სააკაშვილზე
17:22 / 06-05-2022
ერთხელ ხომ უნდა გადაიდგას ნაბიჯი, რომ შემოვტრიალდეთ სინათლისკენ, სადაც ერთმანეთს თვალს გავუსწორებთ და ვიქნებით ამტანები და მოწყალენი, რადგან შეუცდომელი არ არსებობს, - ამის შესახებ ფოთისა და ხობის მიტროპოლიტმა, მეუფე გრიგოლმა განაცხადა, რითაც გამოეხმაურა საქართველოს მესამე პრეზიდენტის მიხეილ სააკაშვილის ჯანმრთელობის მდგომარეობას და შესაბამისი პროფილის კლინიკაში მის სამკურნალოდ გადაყვანის საკითხს. მისი თქმით, რაც ქვეყანაში ხდება კიდევ უფრო მეტ ურთიერთმიუღებლობას ბადებს.
"მე ვფიქრობ, რომ მძიმე შემთხვევასთან გვაქვს საქმე. სამწუხაროა, რომ ასეთ ფორმატში და ასეთ თემაზე გვიწევს საუბარი, როცა საკითხი ეხება საქართველოს პრეზიდენტს. არ მინდა რომელიმე პრეზიდენტს მოუწიოს ასე კიდევ. ზოგადად რაც ხდება ქვეყანაში, საზოგადოებში, ყველა სიმაღლეზე, ბადებს კიდევ უფრო მეტს ურთიერთმიუღებლობას და მეტ სიმძაფრეს და მოლოდინებს აჩენს, რომ როცა კიდევ შეიცვლება ხელისუფლება, ჩვენ შეიძლება ვიხილოთ ასეთივე შურისძიებები, რაც მძიმე წარმოსადგენია. ერთხელ ხომ უნდა გადაიდგას ნაბიჯი, რომ შემოვტრიალდეთ სინათლისკენ, სადაც ერთმანეთს თვალს გავუსწორებთ და ვიქნებით ამტანები და მოწყალენი, რადგან შეუცდომელი არ არსებობს.
ჩემი აზრით, ასეთი რამ არ უნდა ხდებოდეს და ეს არის თემა ჰუმანურობის და ანტიჰუმანურობის, ვისაც ეხება, თვითონ გაიგებს და თუ ვინმეზეა დამოკიდებული, პიროვნებებზე, ჯგუფებზე, როგორც ჩანს, ეს თემა ძალიან მნიშვნელოვანია და მწვავედ დგას.
ჰეროდემ როცა ნახა, რომ იოანე ნათლისმცემლის დასჯა ხალხს მოეწონა და თავი მოკვეთა მას, ხალხის მოწონების შემხედვარემ გადაწყვიტა, პეტრეც დაეჭირა და დაესაჯა, ამით ხალხს მოაწონებდა თავს. დამაფიქრებელი საკითხია და სადამდე მივიდა ჰეროდე ამ გზაზე, ვნახეთ. ვფიქრობ, ისტორიას უნდა გავუსწოროთ თვალი, მომავლით ვიცხოვროთ და არა წარსულით", - აღნიშნა მეუფე გრიგოლმა.
ამასთან, მეუფე გრიგოლის განცხადებით, ეჭვი ეპარება იმაში, რომ რუსეთის პრეზიდენტი ვინმეს ურეკავდეს და უკვეთავდეს სააკაშვილის დასჯას. მისივე თქმით, "აქ სხვა ფენომენთან გვაქვს საქმე“.
მეუფე გრიგოლი ასევე გამოეხმაურა რუსეთის პატრიარქ კირილის განცხადებას, რომლის თანახმადაც რუსეთი თავს არასოდეს არავის დასხმია.
"ეს რომ ეთქვა სასულიერო პირს, იერარქიის წარმომადგენელს, ვიტყოდი, რომ უბირი ადამიანია, ხეპრეა, გაუნათლებელია. როცა ეკლესიის მეთაური ამბობს ამას, ვხედავთ, უსაზღვრო ცინიზმს და რუსული იმპერიული პოლიტიკის გაგრძელებას“, - აღნიშნა მეუფე გრიგოლმა.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საბავშვო ბაღში გარდაცვლილი 2 წლის დაჩის დედის პირველი კომენტარი - "ჩემზეც ბევრი ბრალდებები წამოვიდა"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შერიგებისკენ რომ უნდა გადაიდგას ნაბიჯები ამას რათ უნდა ბევრი ტვინი, ვინც სხვანაირად ფიქრობს ან მტერია ქვეყნის ან უსაზღვროდ ბრიყვია!
ერთმა დაწერა აქ, მღვდელია და ვერ განვიკითხავო! თავად ეს კაცი,თავისი მიკერძოებული დამოკიდებულებით და პოლიტიკაში ჩარევით, მაძლევს ზუსტად უფლებას, მეც განვიკითხო და მივუჩინო თავისი ადგილი! სასულიერო პირმა შენს საქმეს მიხედე და შეეშვი დახლართულად სიარულს! თუ შესაბრალისია ვინმე, ეს აფერისტ-ავანტიურისტი სააკაშვილი კი არადა, მართლაც უამრავი შესაცოდი და მოსაფერებელია და იმათ მიეფერეთ! დამნაშავემ პასუხი რომ უნდა აგოს,ამდენს უნდა ხვდებოდეს სასულიერო პირიც!