"რუსმა ოკუპანტებმა "აზოვსტალთან“ საევაკუაციო ავტომობილს ცეცხლი გაუხსნეს, დაიღუპა 1 მებრძოლი, 6 კი დაიჭრა" - "აზოვის“ პოლკი
რუსმა ოკუპანტებმა "აზოვსტალის“ ქარხნიდან მშვიდობიანი მოსახლეობის ევაკუაციისთვის ცეცხლის შეწყვეტის შეთანხმება დაარღვიეს, - უკრაინული მედიის ინფორმაციით, ამის შესახებ "აზოვის“ პოლკი იუწყება.
"აზოვსტალის“ ქარხნის ტერიტორიაზე ცეცხლის შეწყვეტის დროს რუსებმა ავტომობილს, რომელიც მშვიდობიანი მოქალაქეებისკენ მათი ევაკუაციის მიზნით მიემართებოდა, ცეცხლი გაუხსნეს. მათ ტანკსაწინააღმდეგო მართვადი იარაღი გამოიყენეს. დაბომბვის შედეგად დაიღუპა ერთი და დაიჭრა 6 მებრძოლი. მტერი აგრძელებს ყველა შეთანხმების დარღვევას და არ იცავს მშვიდობიანი მოსახლეობის ევაკუაციის უსაფრთხოების გარანტიებს,“- აცხადებენ "აზოვის“ პოლკში.