ტომ კრუზი Top Gun: Maverick-ის პრემიერაზე საკუთარი ვერტმფრენით დაეშვა, რომელსაც თავადვე მართავდა (ვიდეო)

ტომ კრუზმა ფანებზე შთაბეჭდილების მოხდენა წითელ ხალიჩაზე გამოჩენამდე შეძლო, როცა მისი ახალი ფილმის, Top Gun: Maverick-ის პრემიერაზე საკუთარი ვერტმფრენით დაეშვა - ვერტმფრენს ის თავადვე მართავდა.

Top Gun: Maverick-ის პირველი ფილმის გამოსვლიდან უკვე 36 წელი გავიდა და ფილმის თაყვანისმცემლებისთვის, რომლებიც მის გამოსვლას ნატრობდნენ, ხანგრძლივი ლოდინი დასრულდა.

ისინი ფილმის ვარსკვლავებს წითელ ხალიჩაზე, კალიფორნიაში შეეგებნენ.

59 წლის ჰოლივუდის ვარსკვლავი, რომელიც ფილმებში საკუთარი ტრიუკების კეთებითაა სახელგანთქმული, ღონისძიებაზე შავი სმოკინგით გამოცხადდა. ვერტმფრენის წარმატებით დაჯდომის შემდეგ, კრუზი იღიმოდა და აღტაცებულ მომლოდინე ფანებს ხელს უქნევდა.

თაყვანისმცემლებმა მის ვერტმფრენზე მთავარი დეტალიც კი შენიშნეს, რომელზეც ეწერა: "ტომ კრუზი "ტოპ გან: მავერიკი"".

ფილმი, რომელიც უდავოდ ბლოკბასტერი გახდება, თავდაპირველად 2019 წელს უნდა გამოსულიყო კინოთეატრებში, თუმცა პანდემიის გამო, მისი პრემიერა ბევრჯერ გადაიდო.

Top Gun: Maverick, კინოთეატრებში 27 მაისიდან გავა.

<iframe width="853" height="480" src="https://www.youtube.com/embed/3R6dppZPRcQ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

წყარო:pagesix

მოამზადა: ანა სიბოშვილმა