მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პუტინს 9 მაისის სამხედრო აღლუმისთვის, ყველა ვარიანტში უნდა "აზოვსტალი“ დაპყრობილი იყოს, მისი დამცველები კი - განადგურებული“ - რა ხდება ფრონტის ხაზზე უკრაინაში
14:17 / 05-05-2022
"რადაც არ უნდა დაუჯდეს, რუსეთისთვის ახლა მთავარია მარიუპოლის და "აზოვსტალის“ აღება, პოპასნაია-ლისიჩანსკი-სევეროდონეცკის ალყაში მოქცევა, სადაც უკრაინელებს სერიოზული დაჯგუფება ჰყავთ. გარდა ამისა, თუ ექნებათ შესაძლებლობა, რუსები შეეცდებიან ხერსონის მიმართულებიდან ნიკოლაევსკის და ოდესისკენ გაჭრას. უკრაინას ყველა მხრიდან უტევენ და ნათლად ჩანს, რომ პუტინს წითელ მოედანზე 9 მაისის სამხედრო აღლუმისთვის, ყველა ვარიანტში უნდა "აზოვსტალი“ დაპყრობილი იყოს, მისი დამცველები კი - განადგურებული“, - გვეუბნება სამხედრო-ანალიტიკური ჟურნალ "არსენალის“ მთავარი რედაქტორი ირაკლი ალადაშვილი და არ გამორიცხავს, რომ ოკუპანტი რუსეთის ლიდერმა 9 მაისს, ფაშიზმზე გამარჯვების დღეს, "სამხედრო ოპერაცია“ სამამულო ომად "გადააკვალიფიციროს“ და საყოველთაო სამხედრო მობილიზაციაც გამოაცხადოს.
- ამ ეტაპზე ყველაზე აქტუალური მარიუპოლია და "აზოვსტალი“, რომელზეც ორი დღეა მიდის შეტევა - ხორციელდება როგორც საავიაციო და საარტილერიო დაბომბვა, ასევე, ამას დაემატა მოიერიშე ჯგუფების ჯავშანტექნიკით (ტანკებით, ქვეითთა საბრძოლო მანქანებით) "აზოვსტალის“ ტერიტორიაზე შესვლის მცდელობა. უკრაინას ყველა მხრიდან უტევენ და ნათლად ჩანს, რომ წითელ მოედანზე 9 მაისის სამხედრო აღლუმისთვის, პუტინს ყველა ვარიანტში უნდა "აზოვსტალი“დაპყრობილი, მისი დამცველები - განადგურებული იყოს. გარდა ამისა, 700კმ-ზე მეტი სიგრძის ფრონტის ხაზია შექმნილი ხარკოვიდან - ხერსონამდე და ყველა ადგილას მიდის ბრძოლები - უტევენ ხარკოვს, სლავიანსკის, კრამატორსკის, სევეროდონეცკის და ქვემოთ - ზაპოროჟიის მხარესაც. არაა გამორიცხული, რუსებს უნდოდეთ ე.წ. ქვაბის შექმნა, ანუ ალყაში მოქცევა, ესაა ყველაზე სახიფათო ამ მხრივ.
- ამბობენ, რომ ხარკოვის და ხერსონის მისადგომებთან უკრაინელებისთვის ვითარება გაუმჯობესდა...
- ეს ყურადღების გადატანას უფრო ჰგავს. რადაც არ უნდა დაუჯდეს, რუსეთისთვის ახლა მთავარია მარიუპოლის და "აზოვსტალის“აღება, პოპასნაია-ლისიჩანსკი-სევეროდონეცკის ალყაში მოქცევა, სადაც უკრაინელებს სერიოზული დაჯგუფება ჰყავთ. გარდა ამისა, თუ ექნებათ შესაძლებლობა, რუსები ეცდებიან ხერსონის მიმართულებიდან ნიკოლაევსკის და ოდესისკენ გაჭრას.
ვითარება მოლდოვასთანაც დაიძაბა. აქ შეიძლება ორი სცენარი გათამაშდეს როგორც რუსებისგან, ისე უკრაინელებისგან. რუსებმა საჰაერო დესანტის გადასხმა რომ მოინდომონ უკვე ანექსირებული ყირიმის ნახევარკუნძულიდან, ყირიმიდან ოდესამდე შავი ზღვის ნაწილი უნდა გადაიფრინონ, მერე ხმელეთიც საჭიროა იმისთვის, დნესტრისპირეთამდე რომ მიაღწიონ. რუსებმა თუ საჰაერო დესანტის გადასხმა დააპირა ტირასპოლში, გამორიცხულია, უკრაინელების საჰაერო თავდაცვამ ეს ვერ შეამჩნიოს. ისინი თუ ვერა, ნატოს სადაზვერვო, მათ შორის "ავაქსის“ ტიპის თვითმფრინავები, ყველა ვარიანტში დააფიქსირებს. გარდა ამისა, ტირასპოლში რომ გადასხას კიდევაც, სეპარატისტული დნესტრისპირეთის ტერიტორია სიგრძეში 200 და სიგანეში 40 კილომეტრია, რაც ნიშნავს იმას, რომ უკრაინის არტილერიას შეუძლია სიგანეში, ანუ დნესპრისპირეთის ნებისმიერი ადგილი სიღრმეში დაბომბოს, მათ შორის, ტირასპოლის აეროდრომიც. რუსებმა იქ თუ მაინც გარისკეს - ჯერ საჰაერო თავდაცვას გადაურჩნენ და საჰაერო დესანტი გადასხეს, უკრაინის არტილერიას მაინც ვერაფრით გადაურჩებიან. ეს ერთი სცენარია.
მეორეა თვითონ უკრაინელების სცენარი - იმის გამო, რომ სეპარატისტული დნეპრისპირეთიდან საფრთხეს მოელიან, უკრაინელები იძულებულნი არიან ამ საზღვართან რამდენიმე ბრიგადა ჰყავდეთ (არა და, ამ დროს ფრონტის ხაზთან ძალიან სჭირდებათ ეს ძალები), მათ შეუძლიათ ერთხელ და სამუდამოდ გადაწყვიტონ ეს პრობლემა. ამასთანავე, არის ასეთი მოსაზრებაც, რომ შეიძლება უკრაინა მოლდოვას სთავაზობდეს - მე მოგიგვარებ სეპარატისტების პრობლემას, ოღონდ, შენ მეორე ფრონტი გახსენიო. უახლოესი 2-3 კვირა სერიოზული ამბები მოხდება, მით უმეტეს, თუ 9 მაისს პუტინმა ამას შეიძლება ომი დაარქვას და საყოველთაო სამხედრო მობილიზაცია გამოაცხადოს. ვნახოთ, რა იქნება. საერთოდ, აქამდე რაც იყო ნათქვამი, თითქმის ყველაფერი გამართლდა. დასავლეთის მასმედიაც სადაზვერვო სამსახურების მონაცემებს, სპეციალურად გაჟონილ ინფორმაციებს ეფუძნება.
- ექსპერტების უმრავლესობის აზრით, ამ ომში მაისი-ივნისი იქნება გადამწყვეტი...
- ამას ვერავინ იტყვის იმიტომ, რომ სიტუაცია მუდმივად იცვლება. ზოგი იმასაც ამბობს, ომი 20 წელი გაგრძელდებაო. მისნობა და მსგავსი პროგნოზები შეუძლებელია. ახლა არის გადამწყვეტი მომენტი - რუსებმა მარიუპოლი თუ დაიპყრეს, ძალიან ცუდი იქნება, მაგრამ წმინდა სამხედრო თვალსაზრისით, ამას უკვე დიდი მნიშვნელობა აღარ აქვს. ახლა ყველაზე მნიშვნელოვანია, კრამატორსკი-სლავიანსკთან ალყაში არ აღმოჩნდეს ბრძოლისუნარიანი უკრაინული დიდი დაჯგუფება, იქ გადაწყდება ყველაფერი.
რუსეთმა თუ შეძლო და წაიღო რაღაცეები, ის აუცილებლად გააგრძელებს შეტევას დნეპრისა და უკრაინის შუაგულისკენ. მან თუ უპირატესობას მიაღწია, ეცდება ხერსონიდან როგორმე ოდესაზე გავიდეს და უკრაინას შავი ზღვა ჩაუკეტოს. უკრაინამ თუ მოახერხა, კიდევ იბრძოლა და რუსებს ალყა არ შეაკვრევინა, მაშინ დიდი ალბათობით, რუსეთს კარგად მომზადებულ საბრძოლო დანაყოფებთან დაკავშირებით პრობლემები შეექმნება და იძულებული გახდება მასიურ მობილიზაციაზე გადავიდეს. თუმცა, როგორც წესი, მობილიზირებული საბრძოლო დანაყოფები ეფექტიანობით ბევრად ჩამოუვარდებიან მომზადებულ არმიას, ფაქტობრივად, ეს მასაა (ანუ რუსეთი ეცდება რაოდენობით მოახდინოს კომპენსირება), თან რუსეთს არ აქვს იმ რაოდენობის თანამედროვე შეიარაღება, რომ ისინი დააკომპლექტოს. მათი დაკომპლექტება ალბათ საწყობებიდან აღებული ძალიან ძველი შეიარაღებით მოხდება. ამის პარალელურად, ამერიკული ლენდ ლიზიც ამუშავდება. უკრაინელებმა ღიად განაცხადეს, რომ სისხლი ჩვენი, იარაღი - თქვენიო. პრინციპში, ეს აწყობს დასავლეთსაც იმიტომ, რომ არც ერთი სხვა ქვეყანა, სხვადასხვა მიზეზების გამო, ამაზე ხელს არ და ვერ მოაწერდა. უკრაინის დახმარება უნდა გაგრძელდეს და ჩანს, რომ ის არა მარტო რაოდენობით, ხარისხითაც იზრდება - აქამდე თუ მოიძიეს, ვის რა ჰქონდა დარჩენილი, საბჭოთა ტანკი, თუ სხვა, ესეც ამოიწურა და ახლა უკვე დასავლური წარმოების, შედარებით თანამედროვე შეიარაღებასაც უგზავნიან უკრაინას, რაც, გარკვეულწილად, მის არმიას ხარისხობრივად ნელ-ნელა უფრო წინ წამოსწევს. რუსებს უზარმაზარი მარაგი აქვთ როგორც საბრძოლო მასალის, ისე ადამიანური რესურსის, მაგრამ ეს არის მასიური, სამობილიზაციო ომისთვის განკუთვნილი, რომელიც ხარისხობრივად შედარებით დაბალ დონეზეა, მაგრამ რაოდენობრივად - მეტი იქნება. ამიტომაცაა, რომ ეს ომი შესაძლოა, საკმაოდ დიდხანს გაგრძელდეს.
- დასავლეთი არა ერთბაშად, ეტაპობრივად რომ აწვდის შეიარაღებას უკრაინას, ეს სწორი სტრატეგიაა?
- დასავლეთი უკრაინას ერთბაშად ვერ მიაწვდის შეიარაღებას, ეს ტექნიკურადაც შეუძლებელია. მეორეც - მასიურად რომ მიაწოდოს, თვითონ უკრაინის არმიაც ვერ აითვისებს უცებ, მით უმეტეს, რაც დასავლეთის წარმოებულია, იმას გადამზადება და სწავლა უნდა. მთავარია, უკრაინას დასავლეთი ფინანსური, თუ სამხედრო რესურსებით ეხმარება, შეტევითი დანიშნულების შეიარაღებით, ახლა დაწყებულია შორს მოქმედი საარტილერიო დანადგარების გადაცემა, მალე სარაკეტოებსაც მისცემს, რომლებიც რამდენიმე ასეულ კილომეტრზე იმოქმედებს (უკრაინის საზღვრიდან რუსეთის სტრატეგიულ ობიექტებზეც, დაახლოებით 200-300კმ. დაშორებით). შესაძლოა, ბელგოროდის ანალოგიურად, დაზიანდეს ის რუსული სამხედრო აეროდრომები, საიდანაც ყოველდღიურად ფრინდებიან თვითმფრინავები და უკრაინის ქალაქებს ბომბავენ. პირველ რიგში, ალბათ მიზანში ვორონეჟი იქნება ამოღებული, საიდანაც საჰაერო ბაზა იბომბება და რომელიც საზღვრიდან 200-მდე კილომეტრითაა დაშორებული.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
