"ჩემს სისხლშიც დადასტურდა ზარინის კვალი" - რას წერს დავით ქაცარავა იმ ქართველ მებრძოლებზე, რომლებმაც უკრაინაში ქიმიური ინტოქსიკაცია მიიღეს
დავით ქაცარავა, რომელიც უკრაინაში იბრძვის, სოციალურ ქსელში პოტს აქვეყნებს, სადაც 2 აპრილს გოსტომელში ზარინით მოწამლული ქართველი მებრძოლების ჯანმრთელობის მდგომარეობის შესახებ წერს. ამასთანავე, როგორც ქაცარავა აღნიშნავს, ზარინის კვალი მის სისხლიც აღმოაჩინეს.
"ჩვენი ბიჭების მდგომარეობა, რომლებიც მოიწამლნენ 2 აპრილს გოსტომელში ზარინით, სამწუხაროდ არ გაუმჯობესებულა. მეტიც, დაემატა ახალი სიმპტომები და ჯგუფის სხვა წევრებსაც, რომლებსაც აქამდე თითქოს არანაირი ჩივილები არ ჰქონიათ, უფიქსირდებათ ზარინისთვის დამახასიათებელი სიმპტომატიკა.
ამ წუთას გავდივართ კონსულტაციას ექიმთან.
ჩემს სისხლშიც დადასტურდა ზარინის კვალი, თუმცა ამ ეტაპზე ჩემი მდგომარეობა არ იძლევა განგაშის საფუძველს.
დიდი იმედი მაქვს, ჩვენი მებრძოლების ჯანმრთელობას სათანადო ყურადღება მიექცევა და ყველა მალევე ჩადგება მწყობრში." - წერს "ფეისბუქში" ქაცარავა.
ცნობისთვის, დავით ქაცარავამ 4 აპრილს, სოციალურ ქსელში გამოაქვეყნა ინფორმაცია ქართველი მებრძოლების ქიმიური ინტოქსიკაციის შესახებ.
ასევე იხილეთ: