მნიშვნელოვანი ინფორმაცია
18
მარტიდღის ზოგადი ასტროლოგიური პროგნოზი
სამშაბათი, მთვარის მეცხრამეტე დღე, მთვარე მორიელშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დედაქალაქში პარკირების წესების დარღვევისთვის ჯარიმები იზრდება
11:59 / 28-04-2022
დედაქალაქში პარკირების წესების დარღვევისთვის ჯარიმები იზრდება, - ამ საკითხზე დედაქალაქის მერმა კახა კალაძემ თბილისის მერიის დღევანდელ სხდომაზე ისაუბრა.
კალაძემ განმარტა, რა ოდენობით გაიზრდება კონკრეტულ დარღვევებზე ჯარიმები და აღნიშნა, რომ „არავის სიამოვნებს ვინმეს დაჯარიმება, მაგრამ წესრიგი მნიშვნელოვანია“.
კალაძის თქმით, ჯარიმების გამკაცრების თაობაზე საკანონმდებლო პაკეტი პარლამენტში უკვე დამტკიცებულია.
„ბევრი გულისტკივილის წერილი შემოდის იმასთან დაკავშირებით, რომ ტროტუარებზეა ავტომობილები გაჩერებული და ფეხით გადაადგილებაც კი შეუძლებელია. გვინდა, ეს ყველაფერი დარეგულირდეს. ჩვენი სატრანსპორტო პოლიტიკა ამ ყველაფერს მოიცავს, შესაბამისად, კანონში ჯარიმების გაზრდის თვალსაზრისით გარკვეული ცვლილებები განხორციელდება.
ჯარიმები არავის უხარია, მაგრამ, როგორც ჩანს, ეს აუცილებელია, რათა ქალაქში წესრიგი იყოს. ამკრძალავი ნიშნის - „გაჩერება და დგომა აკრძალულია“, დაუცველობისთვის ჯარიმა იყო 10 ლარი, ცვლილებების შედეგად 50 ლარი გახდება. ასევე, ველოსიპედის ბილიკზე ან ზოლზე მოძრაობის, დგომის ან გაჩერებისთვის ჯარიმა იზრდება - იყო 50 ლარი, გახდება 100 ლარი.
რაც შეეხება ტაქსის პარკირების ადგილზე პარკირებას - „ა“ კატეგორიის ტაქსის მძღოლებისთვის ქალაქში ყველა ქუჩაზე გამოყოფილია შესაბამისი სივრცეები, რომელიც მათთვის უფასოა. თუმცა გვაქვს შემთხვევები, როდესაც ხდება ამ ადგილების დაკავება სხვა მძღოლების მხრიდან. აქაც იზრდება ჯარიმა - იყო 50 ლარი, გახდება 100 ლარი.
სატრანსპორტო საშუალებების გზაზე მიტოვება - ესეც დიდი პრობლემაა. თვეობით, წლობით დგას კონკრეტული ავტომობილი, რომელიც მიტოვებულია და ეს დისკომფორტს წარმოადგენს ადგილობრივი მოსახლეობისთვის, რომლებიც თავიანთ ავტომობილებს ვერ აჩერებენ. ესეც მიუღებელია. იზრდება ჯარიმა - დღეს 50 ლარია, გახდება 100 ლარი.
ამასთან, თბილისში ელექტროძრავიანი სატრანსპორტო საშუალებების დამუხტვის ადგილზე პარკირება სხვა ავტომობილებისთვის დაჯარიმდება - 50 ლარია დღეს, გაიზრდება 100 ლარამდე. როდესაც ხდება ამ სივრცეებში სხვა ავტომობილის დაყენება, რომელიც ელექტრომობილი არაა, ეს დისკომფორტს წარმოადგენს ელექტრომობილების მფლობელებისთვის. ასევე გვაქვს შემთხვევები, სადაც შშმ პირების ადგილების დაკავება ხდება. აქაც ჯარიმა დღეს 50 ლარია, გაიზრდება 100 ლარამდე.
მუნიციპალიტეტი განსაზღვრავს ასევე ე.წ. ბასლაინებში ტაქსის გადასვლის ადგილებსა და პირობებს. ამ ცვლილებებით „ა“ კატეგორიების ტაქსის მძღოლებს ექნებათ შესაძლებლობა გადავიდნენ ავტობუსის ზოლებში მგზავრის აყვანის და ჩამოსმისთვის. ამასთან დაკავშირებით საზოგადოებას მოგვიანებით მივაწვდით დეტალურ ინფორმაციას, როდიდან ამოქმედდება.
ასევე, ტროტუარზე თუ იქნება მანქანა დაპარკინგებული, მაშინვე დაექვემდებარება ევაკუაციას. ყველაფერი უნდა გავაკეთოთ, რომ ქვეითად მოსიარულეებს, ეტლით მოსიარულეებს თავისუფლად გადაადგილების შესაძლებლობა ჰქონდეთ ტროტუარებზე.
ამასთან, მსუბუქი მანქანებისთვის გამოყოფილ ადგილზე გვაქვს შემთხვევები, როდესაც ხდება დიდი სატრანსპორტო საშუალებების პარკირება, რაც კატეგორიულად მიუღებელია“,- განაცხადა კახა კალაძემ.
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ავტოსაგზაო შემთხვევა სამგორში - თვითმხილველების ინფორმაციით, ავტომანქანა ველოსიპედით მოძრავ მოქალაქეს დაეჯახა.
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჯერ თქვენს საშვიან და ქსივიან ბიდლოებს მიხედეთ, ყველაფერს რომ არღვევენ და ნაგლობენ!
ვენაცვალე. ძალიან სწორეა. არა სიტი პარკს, კი კალაძეს, ვენაცვალე თბილისის ამომრჩეველს!