"პირდაპირ მეცინება... ამ ინფორმაციას, ძირითადად, "ქოცები" აზიარებენ!" - მაკა ჩიჩუას კომენტარი გავრცელებულ ინფორმაციაზე, რომ გიორგი მარგველაშვილი "ნაციონალური მოძრაობის" თავმჯდომარე ხდება
ტელეკომპანია "რუსთავი2"-მა გაავრცელა ინფორმაცია იმის შესახებ, რომ ექსპრეზიდენტი გიორგი მარგველაშვილი "ერთიანი ნაციონალური მოძრაობის" თავმჯდომარე ხდება. მათივე ცნობით, შეთავაზება მარგველაშვილმა პირადად მიხეილ სააკაშვილისგან მიიღო და ამ საკითხზე პარტიაში გადაწყვეტილება უკვე მიღებულია. "კურიერის" ინფორმაციით, გიორგი მარგველაშვილთან ინფორმაციის გადამოწმება სცადეს, "თუმცა მან ამ ეტაპზე კამერის წინ გამოჩენა არ ისურვა, სატელეფონო კომენტარში კი ფაქტი არც უარყო და არც დაადასტურა."
აღნიშნულ თემაზე "კვირის პალიტრა" ყოფილ პირველ ლედის, გიორგი მარგველაშვილის მეუღლეს, მაკა ჩიჩუას დაუკავშირდა...
- ანუ, გიორგი მარგველაშვილი ხდება მიხეილ სააკაშვილი? პირდაპირ მეცინება...
- დიახ, ითქვა, რომ მან მიხეილ სააკაშვილისგან მიიღო შეთავაზება...
- დააკვირდით, ვინ აჟღერებს ამ ყველაფერს!
- სოციალურ ქსელში უამრავი ადამიანი აზიარებს...
- არა, ჩემო კარგო... კარგად შეხედეთ, თქვენ ხომ ჟურნალისტი ხართ?! ამ ინფორმაციას, ძირითადად, "ქოცები" აზიარებენ! ეს მართლაც რომ ხდებოდეს, "მთავარი არხი" პირველი არ იტყოდა?! ეგენი არ არიან "ნაციონალური მოძრაობის" მთავარი უსტაბაშები და გამხმოვანებლები?! უმათოდ როგორ მოხდებოდა?! ეს ყველაფერი ხომ რაღაცების გადაფარვაა?! მაგალითად, გუშინდელი ბორინკას ამბის... განაგრძეთ კითხვა