ხულოს მუნიციპალიტეტში ბაბუა და მისი 3 წლის შვილიშვილი მინიტრაქტორით ხევში გადაცვივდნენ - როგორია მათი ჯანმრთელობის მდგომარეობა
ხულოს მუნიციპალიტეტის სოფელ ბეღლეთში ბაბუა და შვილიშვილი ხევში გადავარდნენ, რის შედეგადაც სამი წლის ბავშვი მძიმედ დაშავდა.
არსებული ინფორმაციით, ბაბუა და შვილიშვილი სოფლის გზაზე მინი ტრაქტორით გადაადგილებოდნენ. დაშავებულები ბათუმის კლინიკებში არიან მოთავსებული.
“3 წლის ბავშვის მდგომარეობა მძიმეა. ბაბუა და შვილიშვილი ბათუმის კლინიკებში არიან გადაყვანილი, თავდაპირველად ჩვენთან შემოიყვანეს, თუმცა ბავშვს თავის არეში მძიმე ტრავმა ჰქონდა და ბათუმში გახდა გადაყვანა საჭირო. ბაბუა თავს კარგად გრძნობს”, - განაცხადეს ხულოს კლინიკაში.
მომხდარ ფაქტზე საქართველოს შინაგან საქმეთა სამინისტრომ გამოძიება “სისხლის სამართლის კოდექსის” 281-ე მუხლით დაიწყო, რაც სატრანსპორტო საშუალებით მოძრაობისას წესების დარღვევას გულისხმობს.