"ეს ვიდეო ხათუნა სამნიძემ გადაიღო და ჩემზე არანაკლებ ემოციებით შეხვდა ალეკოს" - რას წერს ლევან იოსელიანი
პარტია "მოქალაქეების" წარმომადგენელი, ლევან იოსელიანი საქართველოს საპარლამენტო დელეგაციასთან ერთად, გუშინ უკრაინაში იმყოფებოდა, სადაც ამავე პარტიის ლიდერს, ალეკო ელისაშვილს შეხვდა. ელისაშვილი უკვე რამდენიმე კვირაა უკრაინაშია და მოხალისეთა რიგებში ოკუპანტი რუსეთის წინააღმდეგ იბრვის.
სოციალურ ქსელში იოსელიანისა და ელისაშვილის შეხვედრის ამსახველი ემოციური ვიდეოკადრები გავრცელდა. როგორც იოსელიანი წერს, ეს ვიდეო პარლამენტარ ხათუნა სამნიძის მიერაა გადაღებული, რის გამოც მადლობას უხდის.
"უამრავმა ადამიანმა ნახა ჩემი და ალეკოს შეხვედრის კადრები კიევში, მინდა იცოდეთ, რომ ეს ვიდეო ხათუნა სამნიძემ გადაიღო და ჩემზე არანაკლებ ემოციებით შეხვდა ალეკოს, მადლობა მას, ამ არაჩვეულებრივ მეგობარს და უბრალოდ კარგ ადამიანს", - წერს ლევან იოსელიანი.