მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"6 თვეში ანდერძი ძალაში შევიდა, ყველაფერი გადაიფორმა და მერე აქეთ დამემუქრა..." - რას პასუხობს ლევან რატიანი ბრალდებას, რომ მან პაციენტის ქონება მიითვისა?
15:58 / 13-04-2022
პირველი საუნივერსიტეტო კლინიკის გენერალური დირექტორი, ლევან რატიანი სკანდალში გაეხვა. ცნობილ ექიმს, აწ გარდაცვლილი მეცნიერის, მედიცინის მეცნიერებათა დოქტორის, პროფესორ მაია დგებუაძის ძმა, ორდე დგებუაძე ბრალდებებს უყენებს.
პროფესორი მაია დგებუაძე 2020 წელს სიმსივნის მძიმე დიაგნოზით გარდაიცვალა. მისი ოჯახის წევრები მიიჩნევენ, რომ პროფესორის მიერ სიცოცხლის ბოლო თვეებში დაწერილი ანდერძი თაღლითურად შედგა, რის გამოც ლევან რატიანს ედავებიან. ოჯახი ამტკიცებს, რომ ლევან რატიანმა პროფესორის მძიმე მდგომარეობა მისი ფინანსური კეთილდღეობისთვის გამოიყენა, რათა დგებუაძის გარდაცვალების შემდეგ ანდერძით ექიმის საკუთრებაში გადასულიყო მაია დგებუაძის სახელზე არსებული ქონება.
როგორც გარდაცვლილის ძმა, ორდე დგებუაძე, AMBEBI.GE- ს უყვება, ლევან რატიანმა მის დას ანდერძი გარდაცვალებამდე 4-5 თვით ადრე დააწერინა, რომლის თანახმადაც გარდაცვალების შემდეგ, საკუთარ ქონებას ლევან რატიანს უტოვებდა. ამ ანდერძის საფუძველზე საბოლოოდ ქალის მილიონიან ქონებას დაეპატრონა.
მისივე თქმით, მაიასთვის ოპერაციის ჩატარება, ოჯახის წევრებთან შეთანხმების გარეშე გადაწყდა, რაშიც ის ლევან რატიანს ადანაშაულებს. დგებუაძის ბრალდებით, ექიმი დაინტერესებული იყო პაციენტის ფინანსური მდგომარეობით და ოპერაციამდე 4-5 თვით ადრე, ლევან რატიანმა მის დას დააწერინა ანდერძი.
"მთელ ქონებას ჩვენ გვიტოვებდა. ხშირად ამბობდა, ჩემი გარდაცვალების შემდეგ ყველაფერი თქვენი იქნებაო. თუმცა ასე არ მოხდა. ვფიქრობ, რომ ბოლო დროს არ იყო კარგად და ეს ანდერძი სწორედ იმ დროს დაწერა. ნორმალური ადამიანის დაწერილი რომ იყოს, სხვა ამბავია, მაგრამ უმძიმესი პაციენტი იყო. ასეთ ანდერძს რომ წერდა, იმ დროს ოჯახის წევრიც ხომ უნდა ყოფილიყო მის გვერდით?!“ - ამბობს ორდე დგებუაძე.
როგორც ის აცხადებს, მის დას ოპერაციის გაკეთება გერმანიაში, ყოფილ სტუდენტთან, ცნობილ ექიმ ასლან გერმანიშვილთან სურდა. დგებუაძე ამბობს, რომ იმ პერიოდში ასლანი თბილისში იყო ჩამოსული და პაციენტს ოპერაცია უშუალოდ ამ ექიმმა ჩაუტარა. გარდაცვლილის ძმა ამბობს იმასაც, რომ მისი დისთვის ოპერაციის გაკეთება არ შეიძლებოდა. ეს მხოლოდ მის სიკვდილს დააჩქარებდა. მისი მტკიცებით, ეს მხოლოდ რატიანის ინტერესში შედიოდა, რათა ქონებას რაც შეიძლება მალე დაპატრონებოდა.
ორდე დგებუაძის თქმით, მას დასთან ძალიან კარგი ურთიერთბა ჰქონდა, ვიდრე ქალი ავად გახდებოდა. და ძმის ოჯახს ყოველთვიურად ფინანსურადაც ეხმარებოდა. ამბობს, რომ როცა დის მოსანახულებლად კლინიკაში მივიდა, ლევან რატიანმა მაიას ნახვის საშუალება არ მისცა, - ექიმმა მას გამოუცხადა, რომ მაიას არავის ნახვა არ სურდა.
გარდაცვლილის ძმა აცხადებს, რომ რატიანი მას ჰპირდებოდა, რომ მისი დის კუთვნილ ქონებას დგებუაძეებს დაუბრუნებდა, თუმცა მოგვიანებით ამაზე უარი განაცხადა.
"რატიანმა მითხრა, - სხვისი ქონება რად მინდა, მე ყველაფერი საკმარისად მაქვს. პროფესორი კაცი ვარ, ამ ამბავს სალაპარაკოდ არ გავიხდი, ბოდიშს გიხდით, ორმოცი რომ ვერ გადავუხადე პანდემიის გამოო. მას ყველაფერს ისე გავუკეთებ, როგორც ეკადრებოდა. ჩათვალეთ, თქვენი ოჯახის წევრი ვიქნები. თქვენს გამო, რას არ გავაკეთებო. მხოლოდ ერთი თხოვნა მაქვს, სამეცნიერო ნაშრომები დაუმთავრებელია და მისი დასრულების უფლება მომეცითო“, - იხსენებს დგებუაძე რატიანთან საუბარს.
დგებუაძე ამბობს, რომ მას არ აქვს პრეტენზია იმ ქონებაზე, რომელიც მისმა დამ შექმნა. ის ექიმს იმ ბინის დაბრუნებას სთხოვს, რომელიც თბილისში მათი ოჯახის საკუთრება იყო.
"მხოლოდ იმ ბინის დაბრუნება მინდა, რომელიც ოჯახის საკუთრებაა. ეს ბინა დიდ დიღომშია და მხოლოდ მისი დაბრუნება ვთხოვე. ახლა თავის მართლება დაიწყო და ამბობს, თურმე იმ ბინაში, მე-7 სართულზე, ჩემი დის სახელობის მუზეუმი უნდა გახსნას. 6 თვეში ანდერძი ძალაში შევიდა, ყველაფერი გადაიფორმა და მერე აქეთ დამემუქრა, - თუ არ გაჩერდები შენს თავს დავაჭერინებო", - ამბობს დგებუაძე.
ლევან რატიანი ორდე დგებუაძის ბრალდებებს უარყოფს და ამბობს, რომ ანდერძი ნამდვილად არსებობს, რომელიც შედგენილია ივლისში მას კი მაია დგებუაძემ ნოემბერში მიუტანა. ლევან რატიანის თქმით, მაია დგებუაძე მისი პროფესორი იყო, ანატომიას უკითხავდა და მისი უფროსი მეგობარი იყო. ექიმი ამბობს, რომ მაიას დედმამიშვილებთან კარგი ურთიერთობა არ ჰქონდა, 23 წლის განმავლობაში ერთმანეთს არ ელაპარაკებოდნენ და რომ ამის შესახებ ანდერძშიც წერს.
რატიანი ამბობს, რომ მან ყველა პუნქტი ისე შეასრულა, როგორც ანდერძში ეწერა.
“ეს ყველაფერი არის დიდი ცილისწამება, რაც, სიმართლე რომ გითხრათ, ძლივს გადავიტანე, მაგრამ ცხოვრებაში ყველაფერი ხდება. ამ ადამიანს თან გადავყევი, როგორც ჩემს საკუთარ დედას. ამ ადამიანს საკუთარი და 23 წლის განმავლობაში ნანახი არ ჰყავდა. ასე წერს ანდერძში თვითონ, აბა, მათი ოჯახური ამბების მე რა ვიცი. ანდერძის შესახებ არაფერი ვიცოდი, ივლისშია დაწერილი და მე დეკემბერში გავხსენი. მაია ოპერაციაზე რომ შედიოდა, დამიტოვა ჩანთა და მითხრა თუ გარდავიცვლები, ეს ჩანთა გახსენი და აქ წერია ყველაფერი როგორ უნდა მოიქცეთო. ხშირად ხდება ხოლმე ასეთი რაღაცები, როცა არ გყავს მემკვიდრე, იმას უტოვებენ ქონებას, ვისთანაც უფრო ახლოს არიან. მათი დის სურვილი იყო, რომ ყველაფერი ასე დასრულებულიყო“, - ამბობს ლევან რატიანი.
ინტერნეტში იძებნება ინფორმაცია, რომ მაია დგებუაძის გარდაცვლებისთვის ლევან რატიანს" ფეისბუქპოსტი" მიუძღვნია.
"ასეა და ასე იქნება, სიკვდილმა გაიმარჯვა სიცოცხლეზე, ეს ბუნების კანონია თითქოს, მაგრამ შეუგუებელი, მოიხედავ და ოცი წელი გასულა, რაც ერთმანეთი გაგვიცვნია და დღეს კი ვემშვიდობები, ვემშვიდობები დიდი ტკივილით, ჩემს საყვარელ პროფესორს მაია დგებუაძეს, პროფესორს, რომელმაც სიცოცხლეში ბრძოლის და თავმდაბლობის სიმბიოზი მასწავლა, მასწავლა, როგორი უნდა მიაღწიო ცოდნით წარმატებას.
ბევრი გვქონდა საკეთებელი, მაგრამ წუთისოფელმა ამ მიწიერ ცხოვრებაში დაგვაცილა, დაგვაცილა დროებით, რწმენით იმისა, რომ კვლავ შევხდებით ერთმანეთს…. მშვიდობით, პროფესორო. მე კი პირობას გაძლევთ ყველა, თქვენს დაწყებულ საქმეს ბოლომდე მივიყვან!
შენი წარმატება მახარებს და მაცოცხლებსო, - ასე მეუბნებოდა… მადლობა ჩემო პროფესორო ყველა იმ ქმედებისთვის, რაც ჩემთვის გააკეთეთ. მე კი შეუძლებელს გავაკეთებ ღირსეულად, რომ დავასრულო ცხოვრება, როგორც ექიმმა. მშვიდობით“, - წერდა ლევან რატიანი.
ავტორი: თიკო გურაშვილი
მკითხველის კომენტარები /
138 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამერიკელები, მთლად შვილებიც რომ ყავთ ქართველ მომვლელებს უტოვებენ ქონებას (რამოდენიმე შემთხვევა იყო) ესეა, ვისაც გვინდა იმას გავახარებთ, რათ უნდა ამხელა აჟიოტაჟი და მითქმა-მოთქმა
კარგი ძმას არ ელაპარაკებოდა სხვა ნათესავი არ ყავდა ვისთანაც იკონტაქტებდა? აბა სიცოცხლეში რა მოხდა ისეთი წარღვნამ ყველა ამოუწყვიტა ერთი სტუდენტის გარდა? რა ხდება? არც და არც ძმა ბიძაშბილი მამიდაშვილი დეიდაშვილი არ ყავდა? ქვეყანაზე ის და ერთი სტუდენტი ყავდა მხოლოდ?