"დელეგაცია უკრაინაში პარასკევს ან შაბათს მიემგზავრება - პარლამენტის თავმჯდომარე ან ვიცე-სპიკერი იქნება ხელმძღვანელი, კონკრეტულად ვინ, გაირკვევა დღეს-ხვალ" - სერგეენკო
ვინ იქნება დელეგაციის ხელმძღვანელი - შალვა პაპუაშვილი თუ რომელიმე ვიცე-სპიკერი, ეს გაირკვევა პრაქტიკულად დღეს - ხვალ რეჟიმში, რადგან მიდის კონსულტაცია კოლეგა უწყებებს შორის , - ამის შესახებ ვიცე - სპიკერმა დავით სერგეენკომ უკრაინაში ვიზიტის თაობაზე ოპოზიციასა და უმრავლესობას შორის გამართული კონსულტაციების შემდეგ განაცხადა.
მისი თქმით, ალბათ კონსულტაციების შედეგად, პოზიტიური და ღირსეული გადაწყვეტილება იქნება მიღებული.
"შემიძლია ცალსახად გითხრათ, გადაწყვეტილება მიღებულია, რომ პარლამენტის დელეგაცია მიემგზავრება უკრაინაში ამ კვირის ბოლოს, პარასკევს ან შაბათს. ვადები დამოკიდებულია რა თქმა უნდა, გარკვეულ პროტოკოლურ ნაწილთან.
დელეგაციის შემადგენლობას რაც შეეხება, პარლამენტის თავმჯდომარე ან პარლამენტის ვიცე-სპიკერი იქნება ხელმძღვანელი, ვინ იქნება კონკრეტულად, შალვა პაპუაშვილი თუ რომელიმე ვიცე-სპიკერი, ეს გაირკვევა პრაქტიკულად დღეს ხვალ რეჟიმში, რადგან მიდის კონსულტაცია კოლეგა უწყებებს შორის. დელეგაცია აუცილებლად გაემგზავრება. მიდის კონსულტაციები და ალბათ, მალე იქნება პოზიტიური და ღირსეული გადაწყვეტილება მიღებული", - განაცხადა სერგეენკომ.