"იმდენი ვიწვალე  წონის დასაკლებად და ისევ მოვიმატე.. მუცელი სწრაფად იზრდება" - ბრიტნი სპირსი ორსულადაა

ამერიკელ პოპ ვარსკვლავს, ბრიტნი სპირსს, უკვე 2 ვაჟი ჰყავს: 16 წლის შონი და 15 წლის ჯეიდენი მისი ყოფილი ქმრისგან, კევინ ფედერლაინისგან. სპირსი ამჟამად მოდელსა და მსახიობს, სემ ასგარის ხვდება.

40 წლის მომღერალმა სასიხარულო ინფორმაცია ფანებს "ინსტაგრამის" საშუალებით შეატყობინა, სადაც ვარდისფერი ყვავილების ფოტო ატვირთა წარწერით: "იმდენი ვიწვალე წონის დასაკლებად და ისევ მოვიმატე. ვიფიქრე: "ღმერთო, რა დაემართა ჩემს მუცელს?" რაზეც ქმარმა მიპასუხა: "საჭმლისგან ხარ ორსულად, სულელო.“ ორსულობის ტესტი გავიკეთე და ნამდვილად ბავშვს ველოდები.. ჩემი მუცელი სწრაფად იზრდება! თუ შიგნით ორნი არიან, შეიძლება ჭკუიდან შევიშალო.“

ბრიტნიმ წინა ორსულობების გამოცდილებაზეც ისაუბრა: "რთულია, იმიტომ რომ ორსულობის შემდგომი დეპრესია მქონდა. უნდა ვთქვა, რომ ეს ნამდვილად საშინელი რამ იყო. ადრე ქალები გახსნილად არ ლაპარაკობდნენ ამაზე, ახლა კი ხშირია.“

ბრიტნი სპირსმა ისიც თქვა, რომ მეტი პოზიტიურობისთვის და რთულ ორსულობასთან გასამკლავებლად იოგას კეთება აქვს გადაწყვეტილი. პოპ ვარსკვლავთან დაახლოებული წყაროს თქმით, ბრიტნის ძალიან სურს, გოგონა ჰყავდეს, რათა თავისი კაბები ჩააცვას და ცეკვის გაკვეთილებზე ატაროს.

წყარო:thesun

მოამზადა: ანა სიბოშვილმა