მნიშვნელოვანი ინფორმაცია
24
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამერვე დღე დაიწყება 02:47-ზე, მთვარე ტყუპშია – შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი, ხილი და ბოსტნეული. უმჯობესია რაციონიდან გამორიცხოთ მარცვლეული და ცხოველური საკვები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თამარ გაბუნიას ინფორმაციით, საქართველოში კორონავირუსის სამკურნალო პრეპარატ "პაქსლოვიდის“ გამოყენება დაიწყო - როგორია წამლის გამოყენების პროტოკოლი
10:12 / 12-04-2022
ჯანდაცვის მინისტრის მოადგილის, თამარ გაბუნიას ინფორმაციით, ქვეყანაში კორონავირუსის სამკურნალო პრეპარატ "პაქსლოვიდის“ გამოყენება დაიწყო და ერთეული პაციენტები მკურნალობენ.
როგორც გაბუნია "ინტერპრესნიუსთან“ საუბრისას აღნიშნავს, პაციენტი მედიკამენტს თავდაპირველად ექიმის მეთვალყურეობის ქვეშ იღებს.
ამასთან, გაბუნია განმარტავს, რომ თუ პაციენტს წამლის მიღებისას დასჭირდა ჰოსპიტალიზაცია, კლინიკის ექიმი შეაფასებს პაციენტის მდგომარეობას, კერძოდ, გააგრძელოს თუ არა მან მედიკამენტის მიღება.
"პაქსლოვიდის“ გამოყენება გასულ კვირას დაიწყო. ჯერ ერთეული პაციენტია, რომელიც მედიკამენტს იღებს. მედიკამენტს პაციენტის ჯანმრთელობის მდგომარეობის შეფასების შემდეგ ოჯახის ექიმი ნიშნავს. პროტოკოლში გამოყოფილია კრიტერიუმები, რომლებიც პროგნოზულ რისკებზე მიუთითებს.
მაღალი პროგნოზული რისკის პაციენტებში, რომლის მდგომარეობაც მსუბუქია ან საშუალო სიმძიმის, ამასთან დიაგნოზის დადგენიდან არ არის გასული 5 დღეზე მეტი, ამ შემთხვევაში ექიმი მიიღებს გადაწყვეტილებას, რომ "პაქსლოვიდი" დაუნიშნოს პაციენტს.
მოგეხსენებათ, საბედნიეროდ, შემთხვევების რაოდენობა მცირეა, ამდენად, ამ პერიოდში მცირე რაოდენობის პაციენტს დასჭირდა მედიკამენტი. „პაქსლოვიდი“ ბინაზე მიაქვს სახელმწიფო სამედიცინო ჰოლდინგის მიერ მობილიზებულ სატრანსპორტო საშუალებას. მას მიჰყვება ექიმი ცენტრალური ონლაინ კლინიკიდან. პირველ მიღებას პაციენტი ექიმის თანდასწრებით ახორციელებს, შემდეგ უკვე პაციენტი დეტალურ ინსტრუქციას იღებს თუ როგორ უნდა გააგრძელოს მედიკამენტით მკურნალობა.
თავდაპირველად ექიმს 2 დღის დოზა მიაქვს, შემდეგ კი დარჩენილი 3 დღის, იმისთვის, რომ 5 დღის დოზა სრულად მიიღოს. ამ დოზების გაყოფის მიზანია ის, რომ მედიკამენტის გამოყენება ეფექტურად მოხდეს და დანაკარგები მინიმალური იყოს. ამასთან, შუა პერიოდში ექიმთან საფუძვლიანი ინტერაქციის შესაძლებლობა ჰქონდეს, ნახოს როგორ მიმდინარეობს მკურნალობა.
წამლის მიღებამდე პაციენტის მდგომარეობას დამატებით აკონტროლებს ონლაინ კლინიკის ოჯახის ექიმი. მნიშვნელოვანია წამლის დოზის გამოტოვება არ მოხდეს და ყველა დოზა მიიღოს.
თუ ისე მოხდა, რომ პაციენტს წამლის მიღებისას დასჭირდა ჰოსპიტალიზაცია, უკვე ჰოსპიტლის ექიმი შეაფასებს მდგომარეობას, კერძოდ, გააგრძელოს თუ არა მედიკამენტის მიღება. ჯერ ასეთი შემთხვევა არ დაფიქსირებულა",- განმარტავს გაბუნია.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ზურაბ ჯაფარიძეს საგამოძიებო კომისიის მოთხოვნის შეუსრულებლობის საქმეზე, 7 თვით თავისუფლების აღკვეთა მიესაჯა, ასევე აეკრძალა 2 წლის ვადით თანამდებობის დაკავება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პასუხი მაინტერესებს , მედიკამენტი რომელიც დანიშნული ჰქონდა კოვიდპაციენტს და არ მისცეს ,თან პაციენტის პატრონებს ატყუებდნენ ვაძლევთო და პაციენტი დაიღუპა , ამის მერე ვენდოთ ექიმებს ? ან ასეთი ექიმი არის ღირსი რომ გააგრძელოს მუშაობა ან კლინიკამ არ უნდა შეწყვიტოს ავადმყოფების მიღება ? ასე იქნება ეს წამალიც ვისაც უნდა მისცენ .
ბებერი მ.....ს და კარები დაკეტესო, ამაზეა ნათქვამი.