20
ივლისიდღის ზოგადი ასტროლოგიური პროგნოზი
დიდი ბრიტანეთის პრემიერ-მინისტრი ბორის ჯონსონი ირაკლი ღარიბაშვილს წერილს უგზავნის. წერილის თარგმანს საქართველოს მთავრობის ადმინისტრაცია ავრცელებს.
გამოქვეყნებულ ინფორმაციას უცვლელად გთავაზობთ:
"მახარებს ის, თუ როგორ გაფართოვდა და აყვავდა ის ურთიერთობა, რომლის სიმბოლოდ იქცა უორდროპის სტრატეგიული დიალოგის ყოველწლიური ფორმატი ისევე, როგორც ჩვენი ორმხრივი პარტნიორობისა და თანამშრომლობის ახალი შეთანხმება, ბატონო პრემიერ-მინისტრო! ამა წლის 27 აპრილს გაერთიანებული სამეფო და საქართველო დიპლომატიური ურთიერთობის განახლების 30 წლის იუბილეს აღნიშნავენ.
მსურს, ეს შესაძლებლობა გამოვიყენო და კვლავ დაგიდასტუროთ თუ რაოდენ დიდ მნიშვნელობას ანიჭებს გაერთიანებული სამეფო იმ ურთიერთობას, რომელიც ჩვენ ორ ქვეყანას შორის არსებობს, - ამის შესახებ გაერთიანებული სამეფოს პრემიერ-მინისტრის ბორის ჯონსონის ოფიციალურ წერილშია აღნიშნული, რომელიც საქართველოს პრემიერ-მინისტრმა ირაკლი ღარიბაშვილმა მიიღო.
ბორის ჯონსონის თქმით, ბოლო 30 წლის განმავლობაში, გაერთიანებული სამეფო და საქართველო თანამშრომლობენ მნიშვნელოვანი პარტნიორობის გასავითარებლად.
"აღსანიშნავია ის წინსვლა, რომლის თვითმხილველნიც საქართველოში გავხდით დამოუკიდებლობის აღდგენის დღიდან. ბოლო 30 წლის განმავლობაში, გაერთიანებული სამეფო და საქართველო თანამშრომლობენ მნიშვნელოვანი პარტნიორობის გასავითარებლად, რაც მრავალ სფეროს მოიცავს და მათ შორისაა პოლიტიკური, სავაჭრო-ეკონომიკური, უსაფრთხოების, თავდაცვის, განათლებისა და კულტურული მიმართულებები.
მახარებს ის, თუ როგორ გაფართოვდა და აყვავდა ის ურთიერთობა, რომლის სიმბოლოდ იქცა უორდროპის სტრატეგიული დიალოგის ყოველწლიური ფორმატი ისევე, როგორც ჩვენი ორმხრივი პარტნიორობისა და თანამშრომლობის ახალი შეთანხმება. ასევე ვაფასებთ ჩვენს თანამშრომლობას რეგიონალურ და გლობალურ საკითხებზე, მათ შორის გარემოსდაცვით და კლიმატის ცვლილების მიმართულებით.კარგად ვაცნობიერებ იმ ფაქტს, რომ პროვოცირების გარეშე, ვლადიმერ პუტინის მხრიდან წინასწარი განზრახვით განხორციელებული ბარბაროსული თავდასხმა უკრაინაზე კიდევ უფრო ამძაფრებს იმ გამოწვევებს, რომლებსაც საქართველო მრავალი წელია მამაცად უპირისპირდება. გაერთიანებული სამეფო და საერთაშორისო თანამეგობრობა მსოფლიო ერების თავისუფლებისთვის, დემოკრატიისა და სუვერენიტეტისთვის ამ ღია აგრესიის პირისპირ დგანან. მინდა ასევე გარწმუნოთ, რომ მტკიცედ ვდგავართ საქართველოს სუვერენიტეტის, ტერიტორიული მთლიანობისა და ქართველი ხალხის ევრო-ატლანტიკური არჩევანის სადარაჯოზე. მოუთმენლად ველი მომდევნო წლებში ჩვენი პარტნიორობის უწყვეტ განვითარებას” , - აღნიშნავს გაერთიანებული სამეფოს პრემიერ-მინისტრი.
ჯონსონიც ნაცია,რადგან ყველას დამსახურება,მარტო ოცნებას და ღარიბაშვილს არ მიაწერა? აბა ველოდები ქოცების რეაქციას,ან გაამტყუნეთ ბორისი ან გაამტყუნეთ ღარიბაშვილი ურთიერთ გამომრიცხავი განცხადებების გამო.
მინიმუმ ეს პრემიერია მოსაშორებელი და მაქსიმუმ მთელი ოცნების ხელისუფლება. გუშინ როგორ უნამუსოდ თქვა რომ ევროკავშირში გაწევრიანება მხოლოდ ამ ხელისუფლების მიღწევაა, მაშინ როდესაც ამ იდეას თაობები ეწირება, ესეგი საქართველოს წინა ხელისუფლებებს ამ კუთხით არაფერი უკეთებიათ? სირცხვილია ესეთი ნარცისული განცხადებები. გარდა ამისა რომ არა უკრაინის ამბები არანაირი კითხვარი ჯერ არ გამოგვევგზავნებოდა და სულაც 2024 წლისთვის ქონდა ოცნებას განაცხადის გაგზავნა დაანონსებული. სამარცხვინო კაცია ეს. ნაცი არ გეგონოთ იმათაც არ ვაკლებ ლანძღვას მაგრამ ესენი აღმოჩდნენ კატასტროფა, გაგვაბრიყვა ბიძაინამ თავის დროზე 2012-ში და ეს უნდა გამოსწორდეს.