"უსაყვარლესი ალისა და უმაგრესი სოფო" - მიხეილ სააკაშვილი სოციალურ ქსელში შვილის ფოტოს აქვეყნებს
საქართველოს ყოფილი პრეზიდენტი მიხეილ სააკაშვილი სოციალურ ქსელში შვილის, ელის-მარია სააკაშვილისა და სოფო ნიჟარაძის ფოტოს აქვეყნებს.
"უსაყვარლესი ალისა და უმაგრესი სოფო" - წერს იგი "ფეისბუქში".
საქართველოს მესამე პრეზიდენტმა გასული წლის მიწურულს, დაადასტურა მანამდე მოარული ჭორი და აღიარა საჯაროდ, რომ ელის-მარია მისი ქალიშვილია. მან პოსტი "ფეისბუქის" გვერდზე გამოაქვეყნა.
"ეს პირველი ახალი წელია, რომელსაც ციხეში ვხვდები, მაგრამ შევეცადე ოპტიმიზმი მაინც არ დამეკარგა და ამაშიც მეპოვნა სიკეთის მარცვალი. დიახ, სამაგიეროდ, წელს პირველი წელია, როდესაც ტელევიზორის ეკრანიდან თავის დედიკოსთან ერთად სცენიდან მოგვესალმება "მთავარი არხის" საახალწლო კონცერტის ყველაზე პატარა მონაწილე, ელის მარია სააკაშვილი. ჩემი ყველაზე საყვარელი გოგო და ყველაზე უმცროსი შვილი. ბედნიერი ვარ, რომ ასეთი შესაძლებლობა მაქვს და ჩემი ახალი წელი სხვებისგან გამორჩეულია არა ციხის კედლებით, არამედ ჩემი საყვარელი გოგოს სატელევიზიო დებიუტით", - წერდა სააკაშვილი.