15
ივნისიდღის ზოგადი ასტროლოგიური პროგნოზი
მთელი რიგი ბრალდებებია, რომლებზეც პირდაპირ ვიტყვი, რომ ეს არის მომაკვდინებელი ცოდვა, რა ბრალდებებიც საქართველოს წაუყენეს და ბუნებაშიც არ არსებობს, - ასე ეხმაურება „ქართული ოცნების“ ერთ-ერთი ლიდერი ირაკლი ქადაგიშვილი საქართველოს პარლამენტის თავმჯდომარის პასუხს უკრაინის უმაღლესი რადას თავმჯდომარის მიწვევასთან დაკავშირებით.
რაც შეეხება უკრაინაში ჩასვლას და სოლიდარობის გამოხატვას, როგორც ქადაგიშვილმა ჟურნალისტებს დასმული კითხვის საპასუხოდ განუცხადა, ეს არც "ქართული ოცნებისთვის" არ წარმოადგენს პრობლემას“.
"ჩვენი დამოკიდებულება და მხარდაჭერა უკრაინის მიმართ არის ცალსახა და ყველა ის საერთაშორისო პლატფორმა, სადაც რეალურად და საქმიანად შეიძლება გამოხატო შენი უარყოფითი დამოკიდებულება ამ ომთან დაკავშირებით და უკრაინის მიმართ მხარდაჭერა, საქართველო ამას ძალიან თანმიმდევრულად ახორციელებს და ერთ-ერთი ლიდერი სახელმწიფო ვართ ჩვენ ამ მიმართულებით. რაც შეეხება გარკვეულ კონკრეტულ სიტუაციებს, ეს კონკრეტული სიტუაციები ჩვენ უნდა განვიხილოთ ორ ქვეყანას შორის ურთიერთობის ჭრილშიც იმიტომ, რომ საქართველო, სამწუხაროდ, ყოვლად დაუსაბუთებლად, დადანაშაულებული იქნა მთელ რიგ შემთხვევებში, ისეთ საკითხებში, რაც საერთოდ ბუნებაშიც კი არ არსებობს. მიუხედავად უდიდესი სოლიდარობისა, ყველა ქვეყანას გააჩნია გარკვეული ეტიკეტი, როგორ მოქმედებენ ქვეყნის პირველი პირები ასეთ შემთხვევაში. რაც შეეხება უკრაინაში ჩასვლას, სოლიდარობის გამოხატვას, ეს არც "ქართული ოცნებისთვის" არ წარმოადგენს პრობლემას და ამას ნურავინ დაგვაყვედრის. ეს პრობლემაც ჩვენს წინაშე არ დგას“, - განაცხადა ქადაგიშვილმა.
ამასთან, ქადაგიშვილმა აღნიშნა, რომ ის ეთანხმება პრეზიდენტ სალომე ზურაბიშვილის განცხადებას, რომ უკრაინასა და საქართველოს შორის ბზარი რუსეთს ახეირებს.
„გეთანხმებით, რომ ასეთი მდგომარეობა არის მხოლოდ და მხოლოდ რუსეთის ინტერესებში. ამიტომ გეუბნებით, რომ მთელი რიგი საკითხებია, რომელიც წარმოიშვა აბსოლუტურად სწორ ადგილზე, მთელი რიგი ბრალდებებია, რომლებზეც პირდაპირ ვიტყვი, რომ ეს არის მომაკვდინებელი ცოდვა, რა ბრალდებებიც საქართველოს წაუყენეს და ბუნებაშიც არ არსებობს. ეს ჩვენმა საერთაშორისო პარტნიორებმა ყველაზე კარგად იციან და თავიანთი პოზიციაც გამოხატეს ამაზე“, - განაცხადა ქადაგიშვილმა.
მისივე ინფორმაციით, დღეს საქართველოს ახალ საგარეო საქმეთა მინისტრს ჰქონდა შეხვედრა ბრიუსელში უკრაინელ კოლეგასთან და „გარკვეული კომუნიკაციის განახლების და გააქტიურები თემა იქ დგას“.
„მე იმედი მაქვს, რომ ეს პრობლემები რომელიც სწორ ადგილზეა წარმოქმნილი და არცერთი მხარის ინტერესში არ შედის, რა თქმა უნდა, აღმოფხვრილი იქნება. ხშირ შემთხვევაში, ჩვენთან შიდა პოლიტიკური მიზნებისთვის აქტიურად ხდება ამ საკითხებთან დაკავშირებით სპეკულირება, რაც არ არის სასურველი", - განაცხადა ქადაგიშვილმა.
არ დაიღალე სამშობლოს გაყიდვით ნაგავო
?
ნუ ხართ ნუ იქნებით ერთ დღიანი პოლიტიკოსები ცოტა წინაც გაიხედეთ ისე ცოტა ხანში უკრაინამ ის მოქალაქეები არ მოითხოვოს ვინც საომარ მოქმედებებში იღებდა მონაწილეობას