"ნუ მოდიხართ ჩვენს მიწაზე" - ვიდეო, სადაც სავარაუდოდ, უკრაინული ძალები რუს ტყვეებს კლავენ: რა ჩანს კადრებში, რომელმაც მსოფლიო მედიის ყურადღება მიიპყრო
რამდენიმე დღეა, რაც სოციალურ ქსელებში გავრცელდა ვიდეო, სადაც ჩანს, რომ უკრაინული ძალები ესვრიან და კლავენ სავარაუდოდ, რუს ტყვე ჯარისკაცებს. არსებული ინფორმაციით, ვიდეოში ქართველი მებრძოლები ფიგურირებენ. კადრებთან დაკავშირებით კომენტარი გააკეთა უკრაინის საგარეო საქმეთა მინისტრმა დმიტრო კულებამაც, რომელმაც თქვა, რომ მან იცის ვიდეოს შესახებ და "აუცილებლად გამოიძიებენ."
კადრებმა მიიპყრო დასავლური მედიის ყურადღება. აღნიშნულ საკითხზე ბრიტანული BBC-ი ვრცელ სტატიას აქვეყნებს, სადაც გაანალიზებულია თუ სად და როდისაა ვიდეო გადაღებული და ვინ არიან ის პირები, რომლებიც ვიდეოში ჩანან.
- რა ჩანს ვიდეოზე?
ჩანს ოთხი, ზურგზე ხელებშეკრული სამხედრო პირი. სამი მათგანი მიწაზე უმოძრაოდაა, მაგრამ ერთი, როგორც ჩანს, ჯერ კიდევ ცოცხალია, თუმცა მძიმედაა დაშავებული.
ერთ-ერთი მამაკაცი ამბობს: "დატოვე ის“ და მეორე პასუხობს: "არ მინდა დატოვება."
ამის შემდეგ ჯარისკაცი, რომლის სახეც ვიდეოში არ ჩანს, რამდენჯერმე ესვრის იმ პირს, რომელიც დაშავებულია, სანამ მოძრაობას არ შეწყვეტს. შემდეგ კი ვხედავთ კადრებს, სადაც სხვა ჯარისკაცების რეაქციებია აღბეჭდილი.
ყველა ცხედარს აცვია სამხედრო ფორმა და არის სისხლის გუბეები. მოკლულებიდან შესაძლებელია მხოლოდ ერთის სახის იდენტიფიცირება, დანარჩენი კი გზაზე პირქვე არიან.
- სად და როდისაა ვიდეო გადაღებული?
BBC-ის ცნობით, დაადგინეს შემთხვევის ადგილი და ეს არის კიევის დასავლეთით, დმიტრევკას შემდეგ, მთავარი გზა - გზა, რომელიც დმიტრევკას ბუჩასთან და ირპინთან აკავშირებს. ვიდეოზე აღბეჭდილი გარემო ემთხვევა Google Street View-ს მიერ ნაჩვენებ არეალს.
იმავე გზაზე 31 მარტს თანამგზავრიდან გადაღებულ სურათზე ხედავთ, როგორ ჩანს მიწაზე სისხლის ლაქები და ჯავშანმანქანები.
"ჩვენ არ შეგვიძლია დარწმუნებული ვიყოთ, რომელ დღეს გადაიღეს ვიდეო, თუმცა გზაზე ჩრდილების პოზიციის გათვალისწინებით ვიცით, რომ ის შუადღისას არის გადაღებული. ვიდეოს თავდაპირველი ვერსია, რომელიც ჩვენ აღმოვაჩინეთ, გამოქვეყნდა 30 მარტს, დილით, რაც იმას ნიშნავს, რომ ის გადაიღეს 29 მარტს შუადღისას, ან უფრო ადრე“, - წერს BBC-ი.
- საიდან ვიცით, რომ მოკლული ჯარისკაცები რუსები არიან?
ამის მთავარი მიმანიშნებელი თვითონ გავრცელებული ვიდეოა. ცხედრების თავთან მდგომი ერთ-ერთ-ერთი ჯარისკაცი ამბობს: "აჰა ისინი, რუსული ჯარის დამცველები.“ გარდა ამისა, ვიდეოში ჩანს ცარიელი ჯავშანტექნიკა, რომელზეც V-ია გამოსახული, როგორც წესი, რუსული ჯარები თავიანთ მანქანებს ამ ნიშნით აღნიშნავენ. მოკლულებიდან ორი ადამიანის თეთრი სამკლაური ჩანს, რომელსაც რუსი ჯარისკაცების იდენტიფიკაციისთვის იყენებდნენ უკრაინის ზოგიერთ რაიონში.
- ვინ არიან ვიდეოზე აღბეჭდილი დანარჩენი მებრძოლები?
ზოგიერთი ჯარისკაცის სამოსზე ჩანს ლურჯი სამკლაური და უკრაინის დროშის ფრაგმენტები, რაც უკრაინული ძალების მაიდენტიფიცირებელია. თუმცა ცხადია, ეს არ არის მათი ვინაობის დამადასტურებელი. როგორც ვიდეოში ისმის, ჯარისკაცები საუბრობენ რუსულად, რაც ფართოდ არის გავრცელებული უკრიანაში.
ვიდეოს შუა ნაწილში ჩანს ერთ-ერთი ჯარისკაცის სახე - წვერიანი მამაკაცი, ნათლად და მკაფიოდ. ასევე კიდევ რამდენიმე მამაკაცის სახე.
- "ჩვენ შევეცადეთ ამოგვეცნო ის კომპიუტერული ალგორითმის მეშვეობით. ის ემთხვევა ქართველი მამაკაცის სახეს, რომელიც ძალიან ახლო კავშირშია უკრაინასთან, მაგრამ მის ვინაობას არ ვასახელებთ, რადგანაც დადასტურებულად არ ვიცით“, - წერს გამოცემა.
როცა კამერაში წვერიანი მამაკაცი ჩნდება, მეორე ადამიანი ყვირის - "დიდება უკრაინას“, რაზეც წვერიანი მამაკაცი პასუხობს "დიდება გმირებს.“ შემდეგ პირველი ადამიანი ყვირის - "ქართველები."
აუდიო მთავრდება კაცის სიტყვებით "ნუ მოდიხართ ჩვენს მიწაზე.“
აღსანიშნავია, რომ BBC-ის გარდა, აღნიშნულ კადრებზე სტატია გამოაქვეყნა "ნიუ იორკ თაიმსმაც." გამოცემის რეპორტიორი, ვიზუალური საგამოძიებო გუნდის წევრი, ივან ჰილი, "ტვიტერში" აქვეყნებს გამოძიების შედეგს ვიდეოზე აღბეჭდილი მებრძოლის შესახებ.
<blockquote class="twitter-tweet"><p lang="es" dir="ltr">Uno de los soldados luce similar a un hombre que en 2017 fue fotografiado cerca del expresidente georgiano y político ucraniano Mijeíl Saakashvili, posiblemente como parte de su equipo de seguridad. El software de comparación facial indica una probable coincidencia. <a href="https://t.co/iye2ki7i2M">pic.twitter.com/iye2ki7i2M</a></p>— Evan Hill (@evanhill) <a href="https://twitter.com/evanhill/status/1511838349039788037?ref_src=twsrc%5Etfw">April 6, 2022</a></blockquote> <script async src="https://platform.twitter.com/widgets.js" charset="utf-8"></script>"ერთ-ერთი მამაკაცი ჰგავს ადამიანს, რომელიც საქართველოს ყოფილ პრეზიდენტთან და უკრაინელ პოლიტიკოსთან, მიხეილ სააკაშვილთან 2017 წელს გადაიღეს და შესაძლოა, ის მისი დაცვის ჯგუფის შემადგენლობაში ყოფილიყო. სახის შედარების პროგრამა მიუთითებს სავარაუდო მსგავსებაზე", - წერს ივან ჰილი.