დიდ ბრიტანეთში "ომიკრონის“ ახალი ვარიანტი დააფიქსირეს

დიდ ბრიტანეთში აღმოჩენილია ომიკრონის ახალი XE ვარიანტი, რაც ბრიტანეთის ჯანმრთელობის უსაფრთხოების სააგენტოს განცხადებით, უკვე ქვეყნის 637 პაციენტს უდგინდება. მათივე თქმით, ჯერ არაა საკმარისი მასალა იმის შესახებ, თუ როგორ გადაეცემა და რა სიმძიმისაა ის. დიდი ბრიტანეთის გარდა, ახალი შტამი დაფიქსირდა ტაილანდშიც.

XE ვარიანტი არის 2021 წლის ბოლოს გავრცელებული ომიკრონ BA.1-ისა და უახლესი BA.2 ვარიანტების მიქსი, უკანასკნელი ახლა დომინანტურ ვარიანტს წარმოადგენს დიდ ბრიტანეთში.

ომიკრონ XE ვარიანტი რეკომბინანტურია და დღევანდელი მონაცემებით ჯერ არც ისაა ცნობილი, როგორ უმკლავდება ეს ვარიანტი ვაქცინებს. წინასწარი ვარაუდით, ადრინდელ შტამებთან შედარებით ის 10%-ით უფრო ადვილად უნდა გადაეცემოდეს.

ახალი ვარიანტის პირველი შემთხვევა, აეროპორტში, ჩეხეთიდან ტაივანში მიმავალი ქალის ტესტირებისას აღმოაჩინეს. როგორც ირკვევა, ინფიცირებული ქალი ასიმპტომური იყო.

კოვიდის ახალი სუბვარიანტია დაფიქსირებული ჩინეთშიც - BA.1.1. ეს ვარიანტი შანხაის მიმდებარე ქალაქ სუჭოუში აღმოაჩინეს და ჯერჯერობით მსოფლიოს სხვა არცერთ ქვეყანაში არაა დაფიქსირებული.

წყარო: cnbc

მოამზადა: ანა სიბოშვილმა