„მულტი“ მომხმარებელს ბრენდის დღეებს სთავაზობს
საქართველოში პირველი ინოვაციური სავაჭრო სივრცე „მულტი“, რომელიც ერთი სალაროს პრინციპზეა დაფუძნებული, მომხმარებლებს ყოველდღიურად სხვადასხვა ბრენდის დღეს სთავაზობს. ყოველ დღე „მულტიში“ მისულ მომხმარებლებს კონკრეტულ ბრენდზე ფასდაკლება დახვდებათ და საშუალება ექნებათ უკეთ გაეცნონ მათს პროდუქციას. ამ ეტაპზე „მულტიში“ წარმოდგენილია ისეთი ბრენდები, როგორიცაა: „ბიბლუსი“ , „პეპელა“, XS Toys, „სუფთა სახლი“, „სპარი“, „ალკორიუმი“, „ფარმადეპო“, „ნოსტე“, „ქუქი ბეიქერი“, კაფე „პიატო“, და სხვა.
მულტიში ყოველი დღე შესაბამისი ბრენდის დღეა:
- ორშაბათი – XS/“პეპელა“
- სამშაბათი – „სპარი“, „ნოსტე“ და ხორცპროდუქტები
- ოთხშაბათი – „ალკორიუმი“
- ხუთშაბათი – „სუფთა სახლი“
- პარასკევი – „ბიბლუსი“
- შაბათი – „ქუქი ბეიქერი“
- კვირა – „ბრიკორამა“
როგორც „მულტიში“ განმარტავენ, ახალი, ინოვაციური სავაჭრო სივრცის შექმნის მიზეზი გახდა პანდემიური რეალობა, რომელმაც მომხმარებლის ქცევაზე ზეგავლენა მოახდინა და ინოვაციურობის მიმართ მაღალი მოთხოვნა გააჩინა.
„დღევანდელი ბაზარი გვიჩვენებს, რომ დღეს მოქნილი სერვისი მომხმარებელს ისე სჭირდება, როგორც არასდროს. „მულტის“ იდეაც სწორედ აქედან დაიბადა. ერთ სივრცეში თავი მოვუყარეთ ყველაფერს, რაც მომხმარებელს სჭირდება. „მულტი“ წარმოადგენს მცირე ეკოსისტემას, რომელიც შექმნილია მომხმარებლის კომფორტისთვის,“ – განმარტავენ „მულტიში“.
მულტი ბაზარზე გასულ წელს გამოჩნდა და დღეს უკვე ორი ფილიალითაა წარმოდგენილი. ვაკეში, ჭავჭავაძის 74/76–სა და გლდანში, ნანეიშვილის 23–ში მდებარეობს. საზოგადოების მხრიდან გამოწვეული დაინტერესებიდან გამომდინარე, ბრენდი გაფართოებას და ახალი ფილიალების გახსნას სხვადასხვა უბანში გეგმავს.