მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საოცარ დღეში ჩააგდო ქოცურმა პროპაგანდამ ჩვენი საზოგადოება... ქართულ ინტერნეტსივრცეში მთავარი სალანძღავი თემა ზელენსკია" - გოგლა ჟვანია
19:14 / 31-03-2022
ყოფილი დეპუტატი გოგლა ჟვანია ანატოლი ბიბილოვის ინიციატივას ეხმაურება, რომელიც "სამხრეთ ოსეთის" რუსეთზე მიერთებას ითვალისწინებს. სოციალურ ქსელში გამოქვეყნებულ პოსტში ის წერს, ქვეყანა ამ დღეში "ქოცურმა პროპაგანდამ" ჩააგდო.
"საოცარ დღეში ჩააგდო ქოცურმა პროპაგანდამ ჩვენი საზოგადოება!
რუსეთმა დღეს გამოაცხადა, რომ ე.წ. "სამხრეთ ოსეთის" საბოლოო მიერთებას აპირებს!!!
და ამ დროს ქართულ ინტერნეტსივრცეში მთავარი სალანძღავი თემა ზელენსკი და მისი საკადრო პოლიტიკა ყოფილა!!! ღმერთო შენ უშველე ამ ქვეყანას!!!" - წერს ჟვანია.
ცნობისთვის, ბიბილოვმა განაცხადა, რომ "სამხრეთ ოსეთის რესპუბლიკა" ისტორიული სამშობლოს რუსეთის შემადგენლობაში იქნება. მისი მიმართვა რუსეთის მმართველი პარტიის, "ეძინაია რასიას“ ოფიციალურ ვებგვერდზე გამოქვეყნდა.
როგორც ოკუპირებული რეგიონის დე ფაქტო პრეზიდენტი აცხადებს, რუსეთის შემადგენლობაში სამხრეთ ოსეთის გასაერთიანებლად უახლოეს მომავალში "სამართლებრივი ნაბიჯები გადაიდგმება“.
"ძვირფასო თანამოქალაქეებო! სამხრეთ ოსეთის რესპუბლიკა, რუსეთის ფედერაცია და მთელი მსოფლიო ახლა გარდამტეხ მომენტს განიცდის. რუსული სამყარო დღეს იცავს მათ ინტერესებს, ვინც მისი ერთგულია, ვინც ეწინააღმდეგება ნაციზმს, პატივს სცემს უნივერსალურ ადამიანურ ღირებულებებს და ფუნდამენტურ უფლებებს და ნორმებს, რომლებიც მიღებულია მთელ საერთაშორისო საზოგადოებაში.
უახლეს ისტორიაში რუსული სამყაროს პირველი აღორძინება ნიშნავს იმას, რომ არსებობს ზღვარი, რომლის გადაკვეთაც შეუძლებელია, რაც მოხდა სწორედ აქ, სამხრეთ ოსეთში 2008 წელს, როდესაც რუსეთმა გადაწყვიტა დაეცვა ოსი ხალხი და ეღიარებინა სამხრეთ ოსეთის რესპუბლიკის დამოუკიდებლობა, რისთვისაც ყოველთვის მადლობელი ვიქნებით რუსეთის ფედერაციის ხელმძღვანელობისა და ხალხის
მადლობა, ძმებო და დებო. ეს იყო ისტორიული გადაწყვეტილება, რომელმაც სამხრეთ ოსეთის მოსახლეობას მშვიდობის გარანტიები და განვითარების შესაძლებლობა მისცა.
თუმცა, ოსი ხალხის - გაყოფილი ხალხის მთავარი ისტორიული, სტრატეგიული მიზანი ერთი სახელმწიფოს საზღვრებში გაერთიანებაა. ეს სახელმწიფო არის რუსეთის ფედერაცია. ჩვენმა ხალხმა არაერთხელ დაისახა ეს მიზანი, ჩვენ გვქონდა შესაძლებლობა 2014 წელს აგვესრულებინა ჩვენი მრავალსაუკუნოვანი ოცნება, როცა ყირიმი მშობლიურ ნავსადგურს დაუბრუნდა. მაშინ ხელიდან გავუშვით ჩვენი შანსი, მაგრამ ამის გამეორებას ვერ დავუშვებთ.
ვფიქრობ, რუსეთთან გაერთიანება არის ჩვენი სტრატეგიული მიზანი, ჩვენი გზა და ხალხის მოლოდინი. ჩვენ ამ გზით ვივლით. უახლოეს მომავალში გადავდგამთ შესაბამის სამართლებრივ ნაბიჯებს. სამხრეთ ოსეთის რესპუბლიკა იქნება მისი ისტორიული სამშობლოს - რუსეთის ნაწილი“, - წერია ბიბილოვის განცხადებაში.
მკითხველის კომენტარები /
66 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს სად იყო აქამდე დამალული? უეაჭველად რაღაცა პირადი ინტერესები ვერ დაიკმაყოფილა ბიძინასგან და ეხლა შეცვალა პლასტინკა.
ამას ლაპარაკი ცოდნია)))