ამერიკული განათლების უპირატესობები - როგორ ეხმარება ამერიკული განათლება სტუდენტებს წარმატების მიღწევაში
რეიტინგში მოწინავე პოზიციები, სრულყოფილი და მოსახერხებელი სასწავლო პროგრამები, საერთაშორისო სტუდენტების უდიდესი მხარდაჭერა, კულტურული მრავალფეროვნება და საინტერესო სტუდენტური ცხოვრება - ეს ამერიკული განათლებაა, რომელსაც ხშირად ფილმებში ვუყურებთ და ვფიქრობთ, რა იქნებოდა, ასეთი შესაძლებლობა ჩვენც მოგვცემოდა. ამერიკული განათლების სისტემა მართლაც უპირობოდ ლიდერია და ამას არაერთი კრიტერიუმი განაპირობებს.
მსოფლიოს 100 საუკეთესო უნივერსიტეტს შორის უმეტესი ამერიკული უნივერსიტეტია. ისინი მთელ მსოფლიოში ცნობილია, როგორც მაღალი აკადემიური სტანდარტების მქონე სასწავლო დაწესებულებები. სწავლების საუკეთესო პირობებს სთავაზობენ სტუდენტებს და კარიერულ წინსვლაში მათ მუდმივად მხარს უჭერენ.
ამერიკული უნივერსიტეტების განსაკუთრებულ პოპულარობას მათი მოქნილობაც განაპირობებს. სტუდენტებს ძირითადი და მეორადი პროფესიებისა და პროგრამების არჩევის საშუალება აქვთ. თუ უნივერსიტეტს რამდენიმე კამპუსი აქვს, შესაძლებელია სხვადასხვა სემესტრის სხვადასხვა კამპუსში გატარებაც. ეს სტუდენტს საშუალებას აძლევს, მისი ინტერესებისა და მოთხოვნების შესაბამისად შეარჩიოს სასწავლო პროგრამა.
ამერიკული უნივერსიტეტები სხვადასხვა ქვეყანაში მდებარე კამპუსების მრავალფეროვნებითაც გამოირჩევა. შესაბამისად, ძალიან საინტერესო და მრავალფეროვანია სტუდენტური ცხოვრება. ახლახან ამერიკული უნივერსიტეტის ფილიალი საქართველოშიც გაიხსნა, რომელიც ქართველი და უცხოელი სტუდენტების მიღებას 2022-2023 სასწავლო წლიდან დაიწყებს. 2022-2023 სასწავლო წელს ვებსტერ საქართველო შემდეგ პროგრამებს განახორციელებს: საბაკალავრო საფეხური - საერთაშორისო ურთიერთობები, ბიზნესის ადმინისტრირება, მასკომუნიკაციები. სამაგისტრო საფეხური - საერთაშორისო ურთიერთობები, ბიზნესის ადმინისტრირება. მომდევნო წლიდან კი აღნიშნულ ჩამონათვალს მედიის კვლევების სამაგისტრო პროგრამაც დაემატება.
ეს მნიშვნელოვანი სიახლეა, რომელიც ამერიკულ განათლებას ფართოდ ხელმისაწვდომს გახდის რეგიონისთვის, სადაც ვებსტერ საქართველო ამერიკული უნივერსიტეტის პირველი ფილიალია. ვებსტერის უნივერსიტეტი საკმაოდ პოპულარულია რეგიონში და ამ დრომდე მის სხვადასხვა კამპუსში ქართველები ხშირად მიდიოდნენ ამერიკული განათლების მისაღებად. ისინი საქართველოში ამერიკული უნივერსიტეტის შემოსვლასა და ამერიკულ განათლებაზე ხელმისაწვდომობის ზრდას მიესალმებიან.
„მქონდა შესაძლებლობა, ამერიკულ ვებსტერის უნივერსიტეტში, ვენაში მესწავლა. ეს იყო ჩემს ცხოვრებაში ყველაზე ბედნიერი და პროდუქტიული წლები. დღეს ვებსტერის უნივერსიტეტი უკვე საქართველოში გაიხსნა და ძალიან მახარებს ის ფაქტი, რომ ჩემს ქვეყანაში მცხოვრებ სტუდენტებს ექნებათ შესაძლებლობა, მიიღონ სრულფასოვანი განათლება ამერიკულ უნივერსიტეტში.“ - აცხადებს ვებსტერის უნივერსიტეტის, ვენის კამპუსის კურსდამთავრებული.
მარიამ შალიკაშვილი, საქართველოს საზოგადოებრივი მაუწყებლის ჟურნალისტი: „ვებსტერის ვენის კამპუსში 2006 წელს ჩავაბარე. ვენის კამპუსში საქართველოდან ერთ-ერთი პირველი ვიყავი. როდესაც სწავლის გასაგრძელებლად სასურველი უნივერსიტეტის შერჩევა დავიწყე, აღნიშნულ უნივერსიტეტზე არჩევანი რამდენიმე მიზეზის გამო გავაკეთე. პირველ რიგში, ეს მისი ინტერნაციონალურობა იყო. ეს არ არის მხოლოდ ამერიკული უნივერსიტეტი. ეს არის მულტიკულტურული სივრცე, სადაც სტუდენტებს და პროფესორებს მთელი მსოფლიოდან შეხვდებით. გარდა ამისა, ვიცოდი, რომ საბოლოოდ მექნებოდა ამერიკასა და ევროპაში, კერძოდ, ავსტრიაში აკრედიტებული დიპლომი, რაც სამომავლოდ ბევრ შესაძლებლობას გამიხსნიდა. მასწავლიდა რჩეული აკადემიური პერსონალი. გარდა ამისა, უნივერსიტეტი საშუალებას გვაძლევდა, რამდენიმე თვით სწავლა სხვა ქვეყნების კამპუსებში გაგვეგრძელებინა, მაგალითად, ამერიკაში, ჰოლანდიაში.. ასევე, გვქონდა ძალიან საინტერესო გაცვლითი კურსები. პირადად მე ავიღე საზაფხულო კურსი სადაც ვებსტერის ლექტორებთან ერთად გავემგზავრე და სხვადასხვა კურსები გავიარე. ვებსტერიდან შემდგარ ჟურნალისტებს უშვებენ. მას შემდეგ გავიარე არაერთი სტაჟირება მსოფლიოს სხვადასხვა ქვეყანაში, ვისწავლე ნიუ-იორკის კინოაკადემიაში, თუმცა ვებსტერი ჩემთვის განსაკუთრებულ სენტიმენტებთან არის დაკავშირებული. თბილისიდან წასულმა იქ გავიგე, როგორია ძალიან საინტერესო ადამიანებთან ურთიერთობა, სტუდენტური ცხოვრება და იმის გააზრება, რომ სწავლა აუცილებლობა კი არა - სიამოვნებაა.“
ირინა მირიანაშვილი, Usaid-ის გუნდის წევრი: „2012 წელს სწავლა ვენაში, ვებსტერის უნივერსიტეტში გავაგრძელე და ეს უნივერსიტეტი სწორედ იმიტომ ავირჩიე, რომ ამერიკული განათლების მიღება მსურდა. დრო, რომელიც იქ გავატარე, ჩემი ცხოვრების ერთ-ერთი უმნიშვნელოვანესი პერიოდი იყო. ვებსტერის უნივერსიტეტში სწავლამ მომცა უდიდესი თეორიული ცოდნა. ასევე, შევიძინე ისეთი უნარებიც, რომლებიც ყველა გამოწვევის დაძლევაში მეხმარება. ვებსტერი რომ არა, ახლა იქ არ ვიქნებოდი, სადაც ვარ. მინდა ხაზი გავუსვა საქართველოში ვებსტერის კამპუსის გახსნის მნიშვნელობას. საოცრად ამაყი ვარ, რომ ამ უნივერსიტეტში მიღებული განათლება მაქვს და მიხარია რომ ქართველ სტუდენტებს - მომავალ თაობაა აქვს შესაძლებლობა მიიღის ამერიკული და იმავე დონის განათლებას აქ, უკვე საქართველოში. ეს უდიდესი წინსვლაა ჩვენი განათლების სექტორში.“
საბაკალავრო პროგრამებზე ჩაბარება ხდება ერთიანი ეროვნული გამოცდების საშუალებით.
ვებსტერის უნივერსიტეტის კოდია 202.
- ბიზნესის ადმინისტრირება - ერთიანი ეროვნული გამოცდების: კოდი 202 01 01
- მედიაკომუნიკაციები - ერთიანი ეროვნული გამოცდების კოდი: 202 01 02
- საერთასორისო ურთიერთობები - ერთიანი ეროვნული გამოცდების კოდი: 202 01 03
სამაგისტრო გამოცდებზე ჩაბარება ხდება საერთო სამაგისტრო გამოცდების საშუალებით.
ვებსტერის უნივერსიტეტის შესახებ დეტალური ინფორმაციის მისაღებად და დამატებითი ინფორმაციისთვის მისაღებად, აბიტურიენტების და მაგისტრანტების რეგისტრაცია მიმდინარეობს ბმულზე.