ანჟეი დუდას თვითმფრინავი, რომლითაც ის ჟეშუვში ჯო ბაიდენთან შესახვედრად მიფრინავდა, ავარიულად დაჯდა, იგი ჟუშევში სარეზერვო თვითმფრინავით ჩაფრინდა
აშშ-ის პრეზიდენტი ჯო ბაიდენი პოლონეთში, ჟეშუვში, აშშ-ს თავდაცვის მდივანთან ლოიდ ოსტინთან და სხვა ამერიკელ ოფიციალურ პირებთან ერთად 82-ე საჰაერო სადესანტო დივიზიის წევრებს ხვდება. ინფორმაციას CNN ავრცელებს.
ამასთან, როგორც მედია წერს, რამდენიმე წუთის წინ თვითმფრინავი, რომელშიც პოლონეთს პრეზიდენტი ანჟეი დუდა იმყოფება, ქალაქ ჟეშუვში დაეშვა.
მანამდე, როცა პოლონეთის პრეზიდენტი ვარშავიდან ჟეშუვში ჯო ბაიდენთან შესახვედრად მიდიოდა, მის თვითმფრინავს მარშრუტის შეცვლა მოუწია, რადგან ავარიული დაშვება გახდა საჭირო და ის კვლავ ვარშავაში გაბრუნდა. ინციდენტის ნამდვილობა დაადასტურა თეთრმა სახლმაც.
შესაბამისად, მედიის წარმომადგენლების ინფორმაციით, ჯო ბაიდენმა დღის წესრიგი შეცვალა და ის თავდაპირველად აშშ საჰაერო სადესანტო დივიზიას შეხვდება, შემდეგ კი დაგეგმილ ჰუმანიტარულ ღონისძიებაში მიიღებს მონაწილეობას.
ბაიდენი შეხვედრის შემდეგ გამართულ ბრიფინგზე მიიღებს ინფორმაციას რუსეთის მიერ უკრაინაში შეჭრით გამოწვეული ჰუმანიტარული რეაგირების შესახებ ლტოლვილთა კრიზისზე.