რუსი ოკუპანტები უკრაინაში ვოლოდიმირ ზელენსკისა და დენის შმიგალის ლიკვიდაციის მიზნით მორიგ ჯგუფს აგზავნიან - უკრაინის დაზვერვის სამმართველო
უკრაინის თავდაცვის სამინისტროს დაზვერვის სამმართველოს ინფორმაციით, რუსი დამპყრობლები უკრაინაში მორიგ ტერორისტულ ჯგუფს გზავნიან, რომლის მიზანიც უმაღლესი სამხედრო-პოლიტიკური ხელმძღვანელობის ლიკვიდაციაა.
კერძოდ, "ფეისბუქში“ გამოქვეყნებულ ინფორმაციაში უწყება აღნიშნავს, რომ მტრის მიერ შეგზავნილი დაჯგუფების მიზანია პრეზიდენტ ვოლოდიმირ ზელენსკის, პრეზიდენტის ოფისის ხელმძღვანელის ანდრეი ერმაკისა და პრემიერ-მინისტრის დენის შმიგალის ლიკვიდაციაა.
"დღეს უკრაინაში შემოსვლა დაიწყეს ბოევიკთა მორიგე ჯგუფებმა, რომლებიც დაახლოებულები არიან ვლადიმერ პუტინთან და რუს პროპაგანდისტ ევგენი პრიგოჟინთან. დამნაშავეთა ძირითადი ამოცანაა უკრაინის უმაღლესი სამხედრო-პოლიტიკური ხელმძღვანელობის ლიკვიდაცია“, - ნათქვამია განცხადებაში.
დაზვერვის სამმართველოს ცნობით, ოკუპანტებმა ვერ მიაღწიეს დასახულ მიზნებს უკრაინელების წინააღმდეგ პოსტმასობრივ აგრესიაში და განაგრძობენ მადესტაბილიზებელ სამუშაოებს უკრაინის მთავრობაში, მადემორალიზებელ სამუშაოებს საზოგადოებაში.
"ჩვენი სახელმწიფოს პირველ პირებზე თავდასხმის ორგანიზება რუსების სტრატეგიის ნაწილია. მზად ვართ აგრესორს წინააღმდეგობა გავუწიოთ, როგორც ფრონტზე, ისე ზურგში. არავითარი ტერორისტული თავდასხმები შედეგს ვერ გამოიღებს“, - ნათქვამია სამმართველოს განცხადებაში.