"ბრალი არავისთვის წაუყენებიათ და არავინ გაუმართლებიათ" - გერმანიის საელჩო გიგი კალანდაძესთან დაკავშრებით სააკაშვილის განცხადებას ეხმაურება
საქართველოში გერმანიის საელჩო გენშტაბის ყოფილი უფროსის, გიგი კალანდაძის გამართლებასთან დაკავშირებით გავრცელებულ ინფორმაციას ეხმაურება.
"გერმანიის საელჩო ხაზს უსვამს, რომ არც ბატონი გიგი კალანდაძის და არც საქართველოს ყოფილი პრეზიდენტის მიხეილ სააკაშვილის წინააღმდეგ გერმანიაში არ მიმდინარეობდა სისხლისსამართლებრივი წარმოება. ბრალი არავისთვის წაუყენებიათ და არავინ გაუმართლებიათ“, - ნათქვამია გერმანიის საელჩოს პრესსპიკერის განცხადებაში.
ცნობისთვის, საქართველოს ყოფილმა პრეზიდენტმა მიხეილ სააკაშვილმა გაავრცელა ინფორმაცია, რომლიც თანახმად, გერმანულმა სასამართლომ გენერალი გიგი კალანდაძე გაამართლა.
"გუშინ გერმანულმა სასამართლომ გაამართლა გიგი კალანდაძე და ერთ-ერთ არგუმენტად ჩემი პატიმრობის უსამართლობა დაასახელა“, - ნათქვამია მიხეილ სააკაშვილის განცხადებაში, რომელიც "ფეისბუქში“ მის ოფიციალურ გვერდზე გავრცელდა.