მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბომბები ლამის თავზე გვეყრება"- კიევში მყოფი პატიმრები საქართველოს ხელისუფლებას დახმარებას სთხოვენ - რას პასუხობს მათ საგარეო საქმეთა სამინისტრო
10:10 / 17-03-2022
უკრაინაში, კიევში მყოფი პატიმრები საქართველოს ხელისუფლებას დახმარებას სთხოვენ. "ინტერპრესნიუსს“კიევის ცენტრში, ლუკიანოვსკას საგამოძიებო იზოლატორში მყოფმა ქართველმა პატიმარმა, გოგიტა სურმავამ განუცხადა, რომ მასთან ერთად ციხეში დაახლოებით 100-მდე საქართველოს მოქალაქე პატიმარი იმყოფება და მათ სიცოცხლეს სერიოზული საფრთხე ემუქრება.
სურმავა აცხადებს, რომ რუსეთის საჰაერო თავდასხმის შედეგად, ციხის მახლობლად უკვე არაერთი ბომბი ჩამოვარდა.
"ვინც აქ ვართ, თითქმის ყველას წინასწარი პატიმრობა გვაქვს შეფარდებული, რომელიც 2 თვეში გვიმთავრდება - უმრავლეს შემთხვევაში ჯერ კიდევ გამოძიებები მიმდინარეობს. უკრაინული კანონმდებლობის მიხედვით, ეს სანქცია ან პატიმრობით უნდა გაგრძელდეს, ან გათავისუფლებით. სანქციები რომ მთავრდება, ადვოკატის, მოსამართლის და თარჯიმნის გარეშე პროკურორი ერთი ხელის მოწერით პატიმრობას გვიგრძელებს. ამასთანავე, ჩვენი უსაფრთხოება არის ნულის ტოლი, ბომბები ლამის თავზე გვეყრება. ვერაფერს ვაკეთებთ და ბომბებით ხომ არ ჩაგვხოცავენ? იქნებ საქართველოს მთავრობამ რაღაც ზომები მიიღოს. აქ ტყუილად რომ გვაჩერებენ, კანონიერად მაინც გაგვასამართლონ“, - განაცხადა სურმავამ.
როგორც მან განმარტა, ქართველი პატიმრები საქართველოს ხელისუფლების მხრიდან სათანადო რეაგირებას ითხოვენ.
"საქართველოს ხელისუფლებიდან ჩვენთან არავის ჰქონდა კონტაქტი. ვიღაცამ ხომ უნდა თქვას, რომ აქ ჩვენი ხალხი ზის. გასაგებია, რომ უკრაინა მოძმე ერია, მაგრამ არ მგონია იმის ღირსი ვიყოთ, რომ ამ ომში ასე ჩაგვკეტონ და ბომბები დაგვაყარონ. მთელ უკრაინაში ასეთი მდგომარეობაა - იმ ქალაქებში, სადაც რუსები შევიდნენ, კავშირის დამყარებაც ვერ ხერხდება. კიევი არ არის აღებული და ჩვენ გვაქვს კავშირზე გამოსვლის საშუალება, მაგრამ როგორც ამბობენ, სხვაგან რუსები პატიმარ ბიჭებს უბრალოდ ხვრიტავენ. ელჩს რომ დავურეკეთ, გვითხრეს, საგარეო საქმეთა სამინისტროში დარეკეთო, იქ რომ დავრეკეთ, გვითხრეს, ელჩს დაუკავშირდითო და ასე წრეზე გვატრიალებენ. აღარ ვიცი რა გავაკეთოთ. უნდა ხედავდეთ აქ რა საშინელება ხდება“, - განაცხადა გოგიტა სურმავამ.
საქართველოს საგარეო საქმეთა სამინისტროს პრესსპიკერის მარი ნარჩემაშვილის განცხადებით, უკრაინის მხარე განიხილავს ზოგადად პენიტენციურ დაწესებულებებში მყოფი ადამიანების საკითხს, შესაბამისი გადაწყვეტილების მიღების შემთხვევაში ბუნებრივია ეს გავრცელდება საქართველოს მოქალაქეებზეც.
მისი თქმით, საელჩო ხაზზე რჩება შესაბამის უწყებებთან.
"უკრაინაში საქართველოს საელჩოს აქვს კომუნიკაცია როგორც უკრაინის პენიტენციურ დაწესებულებებში მყოფ საქართველოს მოქალქეებთან, ასევე უკრაინის ხელისუფლებასთან საომარი მოქმედებების დაწყებისთანავე, რა დროსაც დაისვა პენიტენციურ დაწესებულებებში მყოფი საქართველოს მოქალქეების უსაფრთხოების საკითხი. რამდენადაც ცნობილია, უკრაინის მხარე განიხილავს ზოგადად პენიტენციურ დაწესებულებებში მყოფი ადამიანების საკითხს, შესაბამისი გადაწყვეტილების მიღების შემთხვევაში ბუნებრივია ეს გავრცელდება საქართველოს მოქალაქეებზეც. მანამდე საელჩო ხაზზე რჩება მათთან და უკრაინის შესაბამის უწყებებთან",- აცხადებს მარი ნარჩემაშვილი.
უკრაინაში, კიევში მყოფი პატიმრები საქართველოს ხელისუფლებას დახმარებას სთხოვენ. „ინტერპრესნიუსს“ კიევის ცენტრში, ლუკიანოვსკას საგამოძიებო იზოლატორში მყოფმა ქართველმა პატიმარმა, გოგიტა სურმავამ განუცხადა, რომ მასთან ერთად ციხეში დაახლოებით 100-მდე საქართველოს მოქალაქე პატიმარი იმყოფება და მათ სიცოცხლეს სერიოზული საფრთხე ემუქრება.
სურმავა აცხადებს, რომ რუსეთის საჰაერო თავდასხმის შედეგად, ციხის მახლობლად უკვე არაერთი ბომბი ჩამოვარდა.
00:00 / 00:00
მკითხველის კომენტარები /
28 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კრიმონალების გულმოწყალენო ტვინი თუ გაქვთ თავში. აქ ჩამოიყვანონ და ციხეში ჩასვან კი ბატონი , რაღაც ისე წერთ გეგონება პოლიტიკური მოღვაწეები იყვნენ, ისე გაძარცვავენ თვალი არ დაახამხამებენ. ხოდა რაო!
სადაა სახალხო "დამცველი" თუ ნაცბანდას ემსახურება მხოლოდ???სამარცვინო