უკრაინასთან ომში ცხინვალელი სამხედრო დაიღუპა - რა ინფორმაციას ავრცელებს "სამხრეთ ოსეთის" ე.წ. თავდაცვის სამინისტრო

სამხრეთ ოსეთის თვითგამოცხადებული რესპუბლიკის ე.წ. თავდაცვის სამინისტროს ინფორმაციით, ცხინვალელი ანდრეი ბაკაევი გარდაიცვალა უკრაინაში "სპეცოპერაციის დროს", სამხედრო დავალების შესრულებისას.

"თავდაცვის დეპარტამენტის პრესსამსახურის ცნობით, ბაკაევი მსახურობდა რუსეთის ფედერაციის შეიარაღებული ძალების 58-ე არმიის ერთ-ერთ ქვედანაყოფში. ის უკრაინაში სპეცოპერაციის დროს, საბრძოლო დავალების შესრულებისას, გმირულად დაეცა. ანდრეი 35 წლის იყო. მას ორი შვილი დარჩა“, - წერს ადგილობრივი სააგენტო "რესი.“

• ცნობისთვის, ოკუპირებული ცხინვალის რეგიონის მაცხოვრებლები, რუსეთის ფედერაციის მე-4 გვარდიის სამხედრო ბაზის კონტრაქტორები, უკრაინაში საომრად წავიდნენ.

ამის შესახებ ekhokavkaza.com წერს. გამოცემის ცნობით, სოციალურ ქსელში გამოქვეყნდა კადრები, სადაც ასახულია სამხედრო ტექნიკის გადაადგილება, რომელიც ჯერ ცხინვალს ტოვებს, შემდეგ კი ე.წ. სამხრეთ ოსეთის ტერიტორიას როკის გვირაბის გავლით.

• ნახეთ ასევე: ოკუპირებული ცხინვალის რეგიონიდან რუსული სამხედრო ტექნიკა როკის გვირაბით გადის: "ჩვენი ბიჭები მიდიან უკრაინაში" - რას წერს კოკოითი?