"ეს ორგანიზაცია გადააქციეს ანტირუსული პოლიტიკის ინსტრუმენტად" - რუსეთს ევროსაბჭოს დატოვება სურს: ორგანიზაციის გენმდივანს ოფიციალური განცხადება გადაეცა

რუსეთმა ევროსაბჭოს ოფიციალურად დატოვების გადაწყვეტილების შესახებ უწყება ორგანიზაციის გენერალურ მდივანს მარია პეიჩინოვიჩ-ბუჩის გადასცა.

ამის შესახებ რუსული მედია ქვეყნის საგარეო საქმეთა სამინისტროზე დაყრდნობით იუწყება.

"ნატოს და ევროკავშირის სახელმწიფოები, რომლებიც ბოროტად სარგებლობენ ევროსაბჭოში თავისი უმრავლესობით, ეს ორგანიზაცია გადააქციეს ანტირუსული პოლიტიკის ინსტრუმენტად, უარს აცხადებენ თანასწორუფლებიან დიალოგზე და იმ ყველა პრინციპზე, რომლის საფუძველზეც შეიქმნა აღნიშნული ორგანიზაცია. 25 თებერვალს მათ მიიღეს მადისკრიმინებელი გადაწყვეტილება რუსეთის წარმომადგენლობის შეჩერების შესახებ. ასეთ პირობებში ჩვენი ქვეყანა ევროსაბჭოში არ დარჩება“ , - ნათქვამია რუსეთის განცხადებაში.