"მეშინოდა, რომ ქვეყნიდან არ გამიშვებდნენ" - ცნობილმა ჟურნალისტმა რუსეთი დატოვა

რუსული ტელეარხის НТВ-ის ჟურნალისტმა ლილია გილდეევამ რუსეთი დატოვა. მან უარი თქვა ტელევიზიაში სამსახურზე, განცხადება თანამდებობიდან გადადგომის შესახებ ქვეყნიდან წასვლის შემდეგ დაწერა.

"თავიდან უცხოეთში წამოვედი, მეშინოდა, რომ ქვეყნიდან არ გამიშვებდნენ, განცხადება მერე დავწერე“, - განაცხადა ქალმა.

გილდეევა НТВ-ზე 2006 წლიდან მუშაობდა. ბოლო წლებში ის გადაცემას Today-ს წამყვანი იყო. 2013 წლამდე მისი თანაწამყვანი ალექსეი პივოვაროვი იყო.

შეგახსენებთ, რომ გუშინ ჟურნალისტი მარინა ოვსიანიკოვა რუსეთის "პირველ არხის“ გადაცემა "ვრემიას“ პირდაპირ ეთერში ომის საწინააღმდეგო ბანერით ხელში გამოჩნდა, რითაც უკრაინაში რუსეთის აგრესიული ქმედებები და "პირველი არხის“ კრემლისტური პროპაგანდა გააკრიტიკა, რის გამოც ის ადგილზევე დააკავეს.

იხილეთ ასევე:

• "არ ვნანობ, რაც გავაკეთე! რაც არ უნდა იყოს შედეგი, მზად ვარ ვატარო, როგორც ღირსების ბეიჯი" - რას წერს მარინა ოვსიანიკოვა "ტვიტერში"
• "მრცხვენია, რადგან ხალხის ზომბირების საშუალებას ვაძლევდი" - რას ამბობდა მარინა ოვსიანიკოვა რუსული ტელეარხის ეთერში პროტესტამდე: ქალი, რომელსაც ათასობით ადამიანი მადლობას უხდის