უკრაინაში 406 მშვიდობიანი მოქალაქეა მოკლული - გაერო
24 თებერვლიდან რუსეთის მიერ უკრაინაში შეჭრიდან დღემდე, 406 მშვიდობიანი მოქალაქეა მოკლული.
CNN-ის ინფორმაციით, ამის შესახებ საუბარია გაეროს ადამიანის უფლებათა უმაღლესი კომისრის ოფისის მიერ გაკეთებულ განცხადებაში.
კომისრის ოფისის მონაცემებით, 801 ადამიანი დაიჭრა. თუმცა, გაეროს ოფისი აქვე მიუთითებს, რომ შესაძლოა, რეალური ციფრები, გაცილებით დიდი იყოს.
აღნიშნული მონაცემები ეყრდნობა 24 თებერვლის ცნობებს 4:00 საათიდან, როდესაც საომარი მოქმედებები დაიწყო და მოიცავს 6 მარტის შუაღამის მონაცემებს - განაცხადეს გაეროს კომისრის ოფისში.