"კანონმდებლობა არ დარღვეულა" - რას აცხადებს თორნიკე რიჟვაძე ბათუმის პორტში რუსული დროშის ქვეშ მცურავი გემის შემოსვლაზე
ბათუმის პორტში რუსული დროშის ქვეშ მცურავი გემის შემოსვლას, აჭარის მთავრობის თავმჯდომარე თორნიკე რიჟვაძე გამოეხმაურა.
როგორც მან ჟურნალისტებს განუცხადა, კანონმდებლობა არ არის დარღვეული და გემზე არსებული ტვირთი საქართველოსთვის არის განკუთვნილი.
"ტვირთი განკუთვნილია საქართველოსთვის, შესაბამისად, ხდება მისი შემოსვლა. ჩემთვის როგორც არის ცნობილი, მათ შორის ევროკავშირის ქვეყნებში არ ექმნება პრობლემა შესაბამისი დროშის ქვეშ მცურავ ხომალდს პორტებში მიიღონ მომსახურება. არც წესი და არც კანონმდებლობა არ არის დარღვეული. მიმართეთ შესაბამის უწყებებს,"- აღნიშნა თორნიკე რიჟვაძემ.