მორიგი კიბერთავდასხმა და უკრაინის დაბომბვის კადრები რუსული ტელეარხების ეთერში - რას აცხადებს Anonymous-ი?
Anonymous-ის ცნობით, ჰაკერებმა რუსეთის ტელეარხებზე კიბერთავდასხმა განახორციელეს, რის შედეგადაც მაყურებელს საინფორმაციო გამოშვების ნაცვლად უკრაინის დაბომბვის ამსახველი კადრების ნახვა მოუწია. აღნიშნული ინფორმაციის ამსახველ ვიდეოკადრებს ჰაკერთა დაჯგუფება "ტვიტერზე" აქვეყნებს.
როგორც Anonymous-ი წერს, 6 მარტს გატეხეს რუსული სერვისები Wink-ი და Ivi და რუსული ტელეარხების საინფორმაციო გამოშვებების დროს დაბომბვის კადრებთან ერთად, ომის საწინააღმდეგო მოწოდებებიც გაუშვეს.
"ეს ომი გაჩაღებულია პუტინის ავტორიტარული რეჟიმის მიერ რუსეთის ჩვეულებრივი ხალხის სახელით", - მსგავსი განცხადებები ისმოდა რუსული სატელევიზიო არხებიდან.
<blockquote class="twitter-tweet"><p lang="en" dir="ltr">JUST IN: The hacking collective <a href="https://twitter.com/hashtag/Anonymous?src=hash&ref_src=twsrc%5Etfw">#Anonymous</a> today hacked into the Russian streaming services Wink and Ivi (like Netflix) and live TV channels Russia 24, Channel One, Moscow 24 to broadcast war footage from <a href="https://twitter.com/hashtag/Ukraine?src=hash&ref_src=twsrc%5Etfw">#Ukraine</a>. <a href="https://twitter.com/hashtag/TangoDown?src=hash&ref_src=twsrc%5Etfw">#TangoDown</a> <a href="https://twitter.com/hashtag/OpRussia?src=hash&ref_src=twsrc%5Etfw">#OpRussia</a> <a href="https://t.co/2V8opv7Dg9">pic.twitter.com/2V8opv7Dg9</a></p>— Anonymous TV 🇺🇦 (@YourAnonTV) <a href="https://twitter.com/YourAnonTV/status/1500557635686486023?ref_src=twsrc%5Etfw">March 6, 2022</a></blockquote> <script async src="https://platform.twitter.com/widgets.js" charset="utf-8"></script>მათივე ცნობით, კიბერთავდასხმა ცოტა ხანს გაგრძელდა და რუსული ტელეარხების მაუწყებლობა მალევე აღდგა.
ცნობისთვის, ეს Anonymous-ის მიერ რუსულ სატელევიზიო მედიაზე კიბერთავდასხმის მეორე შემთხვევაა. მანამდე ჰაკერებმა რუსულ ტელეარხებზე უკრაინის ჰიმნი გაუშვეს.
მსოფლიო ჰაკერთა გაერთიანებამ პუტინს კიბერომი უკრაინაში შეჭრის გამო გამოუცხადა.