ისევ დაბომბილი ხარკოვი და ახტირკაში განადგურებული თბოელექტროსადგური - რა ხდებოდა უკრაინაში მთელი ღამის განმავლობაში: ყველა მნიშვნელოვანი ამბავი

უკრაინაში საბრძოლო მოქმედებები გრძელდება. ქვეყნის სხვადასხვა ქალაქში მთელი ღამის განმავლობაში ისმოდა აფეთქებების ხმა. ბოლო ინფორმაციით, რუსულმა ძალებმა კვლავ დაბომბეს.

გადავხედოთ გასული ღამის ომის ქრონიკას - რა ხდებოდა უკრაინის სხვადასხვა ადგილას:

• რუსულმა ძალებმა ხარკოვი ისევ დაბომბეს

რუსულმა ძალებმა ხარკოვზე ახალი დარტყმა განახორციელეს, მაღალსართულიანი შენობა იწვის, - ინფორმაციას ადგილობრივი მედია ავრცელებს.

ამასთან, მანამდე ცნობილი გახდა, რომ ადგილობრივი დროით დაახლოებით 00:00 საათზე დედაქალაქ კიევში, რამდენიმე რაიონში, აფეთქებების ხმა გაისმა, გამოაცხადეს საჰაერო განგაში და მოსახლეობას თავშესაფრებში შესვლისკენ მოუწოდეს.

• რუსებმა ახტირკაში თბოელექტროსადგური გაანადგურეს, არის მსხვერპლი

სუმის სამხარეო სახელმწიფო ადმინისტრაციის ხელმძღვანელმა დიმიტრი ჟივიცკის განცხადებით, რუსებმა ახტირკაში თბოელექტროსადგური გაანადგურეს, დაღუპულია ხუთი თანამშრომელი.

"რუსული ავიაცია აგრძელებს ინფრასტრუქტურულ და კრიტიკულად მნიშვნელოვანი ობიექტების დაბომბვას! რუსებმა გაანადგურეს თბოელექტროსადგური. დაიღუპა 5 სამოქალაქო თანამშრომელი", - განაცხადა ჟივიცკიმ.

მისი თქმით, ახტირკაში არ არის გათბობა, საცხოვრებელ სახლებს წყალი და ელექტროენერგია ნაწილობრივ არ მიეწოდებათ.

"თავად ახტირკა ნაწილობრივ აღარ არსებობს! რუსულმა ავიაციამ დღეს გაანადგურა ქალაქის პროდუქტების ბაზა, სამშენებლო მასალების საწყობი და ავტოსადგომი. დაიბომბა საცხოვრებელი სექტორი. დაღუპულთა რაოდენობა ზუსტდება", - დასძინა მან.

• მარიუპოლის მერი - სიტუაცია ძალიან რთულია - დაღუპულების გამოყვანას ვერ ვახერხებთ

რუსული საოკუპაციო ძალები მნიშვნელოვანი ინფრასტრუქტურული ობიექტის - კანევის ჰიდროელექტროსადგურის კაშხლის ხელში ჩაგდებას გეგმავენ, - უკრაინული მედიის ინფორმაციი, ამის შესახებ შეიარაღებული ძალების გენერალური შტაბის ანგარიშშია აღნიშნული.

კანევის ჰესი ჩერკასის ოლქის ქალაქ კანევში მდებარეობს. ის მდინარე დნეპრზეა აშენებული და "უკრჰიდროენერგოს" ნაწილს წარმოადგენს.

• უკრაინულმა ძალებმა ირპენთან რუსული ტექნიკის კოლონა საჰაერო დარტყმის შედეგად გაანადგურეს

უკრაინის შეიარაღებულმა ძალებმა ირპენის მახლობლად რუსული ტექნიკის კოლონა საჰაერო დარტყმის შედეგად გაანადგურეს, - ამის შესახებ უკრაინელი დეპუტატი ვიქტორია სიუმარი „ფეისბუქში“ წერს.

"რუსული ტექნიკის კოლონა, რომელიც ირპენიდან სტოიანკასკენ მიემართებოდა, უკრაინის შეიარაღებულმა ძალებმა ჰაერიდან დაამარცხეს", - წერს დეპუტატი.

მისი თქმით, ინფორმაცია გადამოწმებულია.

მანამდე გავრცელდა ინფორმაცია, რომ კიევის ოლქის ქალაქ ირპენში, რომლისთვისაც რამდენიმე დღეა მძიმე ბრძოლები მიმდინარეობს, რუსული სამხედრო ტექნიკის კოლონა შენიშნეს.

• უკრაინულმა სამხედროებმა დნეპროპეტროვსკის ოლქისკენ მიმავალი რუსული ძალები გაანადგურეს

უკრაინის შეიარაღებული ძალების წარმომადგენლებმა რუს ოკუპანტებს დნეპროპეტროვსკის ოლქისკენ წინსვლის საშუალება არ მისცეს, - ინფორმაციას უკრაინული მედია ქვეყნის შეიარაღებულ ძალებზე დაყრნობით ავრცელებს.

მათივე ინფორმაციით, უკრაინელმა სამხედროებმა შეაჩერეს მტრის კოლონები, რომლებიც ცდილობდნენ წინსვლას ბალაკლეიადან დნეპროპეტროვსკის ოლქისკენ.

„ოპერაციის დროს, მტრის აღჭურვილობა და ცოცხალი ძალა განადგურდა!" - აცხადებენ უკრაინის შეიარაღებულ ძალებში.