დენის შმიგალი უკრაინის ტერიტორიაზე მდებარე ხუთივე ატომურ ელექტროსადგურზე მშვიდობისმყოფელების გაგზავნას ითხოვს
უკრაინის პრემიერ-მინისტრი დენის შმიგალი უკრაინის ტერიტორიაზე მდებარე ხუთივე ატომურ ელექტროსადგურზე მშვიდობისმყოფელების გაგზავნას ითხოვს.
უკრაინის მთავრობის მეთაურმა ამ მოწოდებით ატომური ენერგიის საერთაშორისო სააგენტოსა და ევროკავშირს მიმართა, რათა უზრუნველყონ ადგილზე მშვიდობისმყოფელი ჯგუფების ჩასვლა.
"რადიაციას არ აქვს საზღვრები. განადგურების შესაძლო ზონა მთელი მსოფლიოა. უკვე მერამდენჯერ მოვუწოდებ საერთაშორისო საზოგადოებას ატომური ენერგიის საერთაშორისო სააგენტოსა და ევროკავშირის სახით, რომ უზრუნველყონ ხუთივე ატომურ ელექტროსადგურზე მშვიდობისმყოფელი ჯგუფების ჩამოსვლა, რომელთა შემადგენლობაში იქნებიან ევროკავშირის, ატომური ენერგიის საერთაშორისო სააგენტოსა და უკრაინის ბირთვული რეგულირების სახელმწიფო სააგენტოს წარმომადგენლობი. ეს მთელი მსოფლიოს უსაფრთხოების საკითხია“, - განაცხადა პრემიერმა შმიგალმა.
ცნობისთვის, ატომური ენერგიის საერთაშორისო სააგენტო უკრაინაში ოკუპანტების მიერ დაკავებული ატომური ელექტროსადგურების შემოწმებას გეგმავს.