მილა კუნისი და ეშტონ კაჩერი უკრაინის დასახმარებლად 3 მილიონ დოლარს გაიღებენ

უკრაინული წარმოშობის ამერიკელი მსახიობი მილა კუნისი და მისი მეუღლე, ასევე მსახიობი ეშტონ კაჩერი უკრაინის დასახმარებლად 3 მილიონ დოლარს გაიღებენ. მსახიობებმა უკრაინის მხარდასაჭერი ვიდეომიმართვა ჩაწერეს.

ვიდომიმართვაში მილა კუნისი ამბობს, რომ დღეს ისე როგორც არასდროს, ის ამაყობს თავისი უკრაინული წარმომავლობით. ვიდეომიმართვა ეშტონ კაჩერის „ინსტაგრამის“ გვერდზე გამოქვეყნდა. მათი მიერ უკრაინის ჰუმანიტარულ დახმარებაზე გაღებული თანხის პარალელურად წყვილი ასევე აგროვებს თანხას იმავე მიზნისთვის, საუბარია 30 მილიონ დოლარზე.

GoFundMe-ის გზით შეგროვებული თანხა გააძლიერებს ლტოლვილებისთვის ჰუმანიტარული დახმარების გაწევის შესაძლებლობას. ფონდი დაეხმარება კომპანიებს Flexport.org-სა და Airbnb.org-ს რომლებიც აქტიურად მუშაობენ ადგილზე და დახმარებას უწევენ მათ, ვინც ყველაზე მეტად საჭიროებს ამას.