რუსეთში ტელეკომპანია "დოჟდი" დაიხურა - "გვჭირდება ძალები ამოსუნთქვისთვის"
რუსული ტელეარხი "დოჟდი“ მაუწყებლობას აჩერებს.
ამის შესახებ ტელეკომპანიის ეთერში გენერალურმა დირექტორმა ნატალია სინდეევამ განაცხადა.
"გვჭირდება ძალები ამოსუნთქვისთვის და იმის გასაგებად, მომავალში როგორ ვიმუშავოთ. ძალიან დიდი იმედი გვაქვს, რომ ეთერში დავბრუნდებით და მუშაობას განვაგრძობთ“ , - განაცხადა სინდეევამ.
ტელეკომპანიის ვებგვერდს წერია "მოცემული ინფორმაცია (მასალა) შექმნილია და გავრცელებულია უცხოურ მედიასაშუალების მიერ, რომელიც ასრულებს უცხოეთის აგენტის ფუნქციას“.
ცნობილია, რომ ამავე მიზეზით მუშაობა შეაჩერა რუსულმა რადიოსადგურმა "ეხო მასკვიმ“, რომლის დირექტორთა საბჭომ დღეს მიიღო გადაწყვეტილება რადიოსა და მისი ვებგვერდის ლიკვიდაციის შესახებ.