დიდი ბრიტანეთის მთავრობამ გამოაქვეყნა ქვეყნების სია, რომლებმაც რუსეთის წინააღმდეგ ჰააგის სასამართლოს მიმართეს, მათ შორის საქართველოც არის
დიდი ბრიტანეთი სისხლის სამართლის საერთაშორისო სასამართლოს რუსეთის ომის დანაშაულებების გამოძიების ინიციატივით მიმართავს.
ამის შესახებ ინფორმაციას ბრიტანეთის მთავრობა ავრცელებს.
ბრიტანეთის მთავრობის ინფორმაციით, 38 ქვეყანა გაერთიანდა, რათა საერთაშორისო სისხლის სამართლის სასამართლოს გამოძიება, დააჩქარონ - მათ სახელმწიფო მხარის მიმართვა მოამზადეს.
ამავე ინფორმაციით, საერთაშორისო სისხლის სამართლის სასამართლოს უკვე შეუძლია, გამოძიება დაიწყოს. გაერთიანებული სამეფო თავში ჩაუდგა მცდელობებს, შეეკრიბა მოკავშირეები, რათა სასამართლომ უკრაინაში რუსეთის ომის დანაშაულებებზე გამოძიება დაიწყოს. სახელმწიფო მხარის მიმართვაში დიდ ბრიტანეთს 37 ქვეყანა შეუერთდა, რაც საერთაშორისო სისხლის სამართლის სასამართლოს ისტორიაში ყველაზე დიდი მიმართვაა.
პროკურორმა 28 თებერვალს განაცხადა, რომ აპირებს, მოსამართლეებისგან უკრაინაში არსებულ ვითარებაზე გამოძიების დასაწყებად უფლებამოსილება მოითხოვოს. მიმართვა საშუალებას მისცემს პროკურორს, სასამართლოს დამტკიცების გარეშე გამოძიება პირდაპირ განაგრძოს.
რუსეთის მიერ უდანაშაულო მშვიდობიანი მოსახლეობის წინააღმდეგ განურჩეველი ძალის გამოყენება, უკრაინაში მისი უკანონო და არაპროვოცირებული შეჭრისას, უტოლდება ომის დანაშაულს, რისთვისაც პუტინის რეჟიმი პასუხისმგებელია.
GOV.UK-ზე მოცემული ინფორმაციით, აღნიშნული სახელმწიფოებია: ალბანეთის რესპუბლიკა, ავსტრალია, ავსტრია, ბელგია, ბულგარეთი, კანადა, კოლუმბია, კოსტა რიკა, ხორვატია, კვიპროსი, ჩეხეთი, დანია, ესტონეთი, ფინეთი, საფრანგეთი, საქართველო, გერმანია, საბერძნეთი, უნგრეთი, ისლანდია, ირლანდია, იტალია, ლატვია, ლიხტენშტეინი, ლუქსემბურგი, მალტა, ნორვეგია, ნიდერლანდები, ახალი ზელანდია, პოლონეთი, პორტუგალია, რუმინეთი, სლოვაკეთი, სლოვენია, ესპანეთი, შვედეთი, შვეიცარია, დიდი ბრიტანეთისა და ჩრდილოეთ ირლანდიის გაერთიანებული სამეფო. კოორდინირებული მიმართვა გააკეთა ლიეტუვამაც.