"ბოლომდე ვერ ვიაზრებ, რომ დასრულდა ჩვენი 10 წლიანი ჯოჯოხეთი..." - რას წერს ანი ნადარეიშვილი მეუღლის პატიმრობიდან გათავისუფლების შემდეგ?

თავდაცვის ყოფილმა მინისტრმა ბაჩო ახალაიამ რუსთავის მე-12 პენიტენციური დაწესებულება გუშინ დატოვა. 9-წლიანი სასჯელის ვადა ბაჩო ახალაიას გასული წლის 6 ნოემბერს ამოეწურა, თუმცა მსჯავრდებულს აღკვეთის ღონისძიების სახით შეფარდებული პატიმრობის პერიოდი არ ჩაუთვალეს და 9-წლიანი სასჯელის ათვლა განაჩენიდან დაიწყეს.

საპატიმროსთან გუშინ მას მეუღლე, ახლობლები და მეგობრები დახვდნენ. ცოტა ხნის წინ ანი ნადარეიშვილმა სოციალურ ქსელში პოსტი გამოაქვეყნა და თანადგომისთვის ყველას მადლობა გადაუხადა.

"ჩემო უსაყვარლესო მეგობრებო, უღრმესი მადლობა ყველას ჩვენი ბედნიერების გაზიარებისთვის, ამხელა და ამდენი სიყვარულისთვის ჯერ კიდევ ისეთ ემოციებში ვარ, ბოლომდე ვერ ვიაზრებ, რომ დასრულდა ჩვენი 10 წლიანი ჯოჯოხეთი.

მე და ბაჩოს ძალიან გვიყვარხართ ყველა და უღრმეს მადლობას გიხდით თითოეულ თქვენთაგანს ყოველი დღისთვის და წუთისთვის, სითბოსთვის, გამხნევებისთვის და სიყვარულისთვის. გ ვ ი ყ ვ ა რ ხ ა რ თ !!!" - წერს ნადარეიშვილი.