"მტერი ძალებს დედაქალაქის მახლობლად იკრებს, ვემზადებით ... კიევი დგას და ასე იქნება" - ვიტალი კლიჩკო
კიევის მერმა ვიტალი კლიჩკომ განაცხადა, რომ რუსი დამპყრობლები უკრაინის დედაქალაქის მიმართულებით გადაადგილდებიან. ინფორმაციას უკრაინული მედია ავრცელებს.
"მეგობრებო! ძვირფასო კიეველებო! მტერი სულ უფრო აახლოებს საკუთარ ძალებს დედაქალაქთან. ღამით მათ დაბომბეს თეთრი ეკლესია, ბრძოლები გაგრძელდა ბუჩასა და გოსტომელში. ჩვენ ვემზადებით და დავიცავთ კიევს", - განაცხადა კლიჩკომ.
მან ასევე მოუწოდა ქალაქის მოსახლეობას, არ დაკარგონ შემართება და არ დაიჯერონ დეზინფორმაცია.
"მტერი უამრავ ტყუილს ავრცელებს, რათა უკრაინელები გატეხოს. ენდეთ მხოლოდ ოფიციალურ რესურსებს! კიევი დგას და ასე იქნება. ჩვენ ვიბრძოლებთ", - დასძინა კიევის მერმა.