მნიშვნელოვანი ინფორმაცია
19
ივნისიდღის ზოგადი ასტროლოგიური პროგნოზი
პარასკევი, მთვარის ოცდამეოთხე დღე დაიწყება 01:42-ზე, მთვარე ვერძშია – ფიზიკური ძალის ძლიერი ზრდაა. შესანიშნავია საპირისპირო სქესთან კომუნიკაცია. ხელსაყრელია საძირკვლის ჩაყრა, ბიზნესის დაწყება და სახლის მშენებლობის ან რემონტის დაწყება. გაუმკლავდეთ ფულთან დაკავშირებულ საკითხებს. განიხილეთ მიმდინარე საქმეები. კარგია არქივთან მუშაობა. დაასრულეთ მნიშვნელოვანი პროექტები. დაიწყეთ რემონტი. იყიდეთ უძრავი ქონება. კარგია გამოფენების, სპექტაკლების, კონცერტების, შემოქმედებითი საღამოების გამართვა. ისწავლეთ, აიმაღლე კვალიფიკაცია. საკვები უნდა იყოს მრავალფეროვანი და ნოყიერი. არ არის მიზანშეწონილი შიმშილი. კარგია ვარჯიში და იოგა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ერთ მხარეს ღირსებაა, მეორე მხარეს "ბაბაიას" არგაღიზიანება... სამწუხაროდ, დღეს ღირსების არჩევანის წინაშე დავდექით" - რას წერს თენგიზ ფხალაძე?
18:39 / 01-03-2022
ექსპერტი თენგიზ ფხალაძე უკრაინაში მიმდინარე ომთან დაკავშირებით საქართველოს ხელისუფლების პოზიციას აფასებს. როგორც ის ამბობს, რუსეთის არგაღიზიანების გამო ქვეყანამ ღირსება არ უნდა დაკარგოს.
"რუსეთი რომ არ გაეღიზიანებინა,“რაციონალურად მოაზროვნე”, ჭეშმარიტმა მამულიშვილებმა, ჩოხაში გამოწყობილმა “ჩინ-მენდლებიანმა” თავადობამ 1837 წელს თბილისში საქეიფო-საგრიალოდ ჩამოსულ რუსეთის იმპერატორს ღამით საძინებელში მაიკო ორბელიანი მიჰგვარა. მაიკო ორბელიანი, რომელსაც მთელი საქართველო ეტრფოდა და ტატო ბარათაშვილი ლექსებს უძღვნიდა!
იმ ღამეს ღირსება მხოლოდ მაიკოს კი არა, მთლიანად ქართველობას აჰყარეს! სამაგიეროდ იმპერატორმა ისიამოვნა, 1832 წლის აჯანყებულებზე “გაღიზიანებამაც”ცოტა გადაუარა და ქართველ გულუხვ მასპინძლებს ახალი ჩინ-მედლები უბოძა იმპერიის ერთგულებისათვის. შეურაცხყოფილი მაიკო ორბელიანი კი მალე ჭლექით დაავადდა და გარდაიცვალა!ასეა! ღირსებააყრილებს აღარ ესვრიან, მათ მხოლოდ ნივთივით ხმარობენ!
1989 წლის 9 აპრილის, 90-იანის ომების, 2008 წლის აგვისტოს და საქართველოს სახელმწიფოს 30 წლიანი ბრძოლის მერე ვერასოდეს ვიფიქრებდი რომ ამ ისტორიას თანამედროვეობის კონტექსტში გავიხსენებდი!
სამწუხაროდ, დღეს სწორედ ღირსების არჩევანის წინაშე დავდექით! ერთ მხარეს ღირსება და სამკვდრო-სასიციცხლო ბრძოლაა, მეორე მხარეს კი, "ბაბაიას" არგაღიზიანება, მონობა, მაგრამ გარანტირებული “პაიოკი” და მასხარის არხეინი ცხოვრება!
მახსოვს 9 აპრილს როგორ გვმოძღვრავდნენ: სად მიდიხართ, ვის ებრძვით, ამხელა იმპერიას ვერავინ მოერევაო! ის “რაციონალური მამულიშვილებიც” მახსოვს, მეორე დღეს ერთმანეთში რომ ჩურჩულებდენენ: აბა რა ეგონათ, მოსკოვი მაგას აპატიებდაო?! ისიც მახსოვს რუსთაველზე ჩემზე ცოტა უფროსი ბიჭი საბჭოთა ტანკს გადაუდგა და მთელი ძალით ჯოხს ურტყამდა!
მახსოვს 9 აპრილს სკოლის მოსწავლემ როგორ დავიმაგრე გულზე სამგლოვიარო ლენტი და რუსთაველზე გავედი! აფხაზეთში ომიც მახსოვს, როგორ გვებრძოდა და გვბომბავდა “ერთმორწმუნე” დამპალი იმპერია! შემდეგ 2008 წელი, ისევ დამპალი იმპერია! ბევრი რამ მახსოვს…
დამარცხებაც ყოფილა, ტკივილიც, მაგრამ ღირსების აყრა არასოდეს! ღირსებამ მოგვიყვანა აქამდე და დღეს სწორედ ეს ღირსებაა გადასარჩენი! გავა სულ ცოტა ხანი. ამ ეპოქას თქვენი შვილიშვილები ისწავლიან, როგორც ბრძოლას ღირსებისათვის! ჰოდა როდესაც სხვების გმირობით აღფრთოვანებული შვილიშვილი შეგეკითხება: ამ დროს რას შვებოდიო, სათქმელი უნდა გქონდეს და დარცხვენილმა არ უნდა უპასუხო: “მე მოკლეს, ბაბუ" - წერს ფხალაძე.
ცნობისთვის, ვოლოდიმირ ზელენსკიმ უკრაინის ელჩი საქართველოში, კონსულტაციებისთვის ქვეყნიდან გაიწვია. ამის შესახებ მან ცოტა ხნის წინ გამოქვეყნებულ ვიდეომიმართვაში ისაუბრა.
"დაუყონებლივ კონსულტაციებზე გამოვიწვიეთ უკრაინის ელჩი ყირგიზეთში, რადგან ამ ქვეყანამ რუსული აგრესია გაამართლა. ასევე ვიძახებთ კონსულტაციებზე უკრაინის ელჩს საქართველოში, რადგან მოხალისეები არ გამოუშვეს, ასევე სანქციებთან დაკავშირებით ამორალური პოზიციის გამო", - განაცხადა ზელენსკიმ.
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება იმ მამაკაცის დაკავების კადრები, რომელმაც სიმამრი მოკლა, სიდედრი კი სცემა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქართველობა და პატრიოტიზმი ალბათ მოგონილია.მარტო სუფრაზე ვიცით დიდი ყანწებიის დალევა სამშობლოს სიყვარულის გამო.დღეს ჩვენგან ომს არავინ ითხოვს.ითხოვენ კაცურ საქციელს რითიც ვამაყობდით ყოველთვის.ქართველთან ყოველთვის თირსება კაცობა და გამბედაობა ასოცირდებოდა.მაგრამ ალბათ მოგონილი ყოფილა.
ეს ცრუპენტელა ვაი ექსპერტ-პატრიოტი სულ სველი ჩვრით არის საცემი