დღეიდან უკრაინაში ამოქმედდა უვიზო რეჟიმი უცხო ქვეყნის იმ მოქალაქეებისთვის, რომლებსაც თავდაცვის ლეგიონში გაწევრება სურთ
პრეზიდენტი ვოლოდიმირ ზელენსკი 1-ელი მარტიდან უცხოელებს, ვისაც სურვილი აქვს გაწევრიანდეს უკრაინის ინტერნაციონალურ თავდაცვის ლეგიონში, უვიზო რეჟიმს უწესებს. ამის შესახებ ნათქვამია პრეზიდენტის მიერ გამოქვეყნებულ ბრძანებაში.
უკრაინის წინააღმდეგ რუსეთის აგრესიასთან დაკავშირებით, უკრაინის პრეზიდენტი ადგენს:
"2022 წლის 1-ელი მარტიდან დროებით საომარი მდგომარეობის პერიოდში, ვიდრე უკრაინის პრეზიდენტი არ მიღებს შესაბამის გადაწყვეტილებას, შემოღებული იქნება უვიზო რეჟიმი უცხო ქვეყნის მოქალაქეებისთვის, ვისაც სურვილი აქვს გაწევრიანდეს უკრაინის ინტერნაციონალურ თავდაცვის ლეგიონში, გარდა იმ ქვეყნის მოქალაქეებისა, რომელიც აღიარებულია აგრესორ სახელმწიფოდ“, - ნათქვამია ბრძანებაში.
პრეზიდენტმა მთავრობას დაავალა, მიიღოს ზომები, რომლებიც ამ ბრძანებიდან გამომდინარეობს.