"ვლოცულობ უკრაინისთვის, გამაგრდით" - რას წერს მოსკოვის CSKA-ში მოთამაშე თორნიკე შენგელია?
ქართველი კალათბურთელი თორნიკე შენგელია, რომელიც მოსკოვის CSKA-ში თამაშობს სოციალურ ქსელში უკრაინის მხარდამჭერ პოსტს აქვეყნებს და უკრაინელ ხალხს მოუწოდებს, გამაგრდნენ.
"ვლოცულობ უკრაინისთვის, გამაგრდით" - წერს თორნიკე შენგელია.
ცნობისთვის, თორნიკე შენგელია მოსკოვის CSKA-ში გადასვლამდე ესპანურ "ბასკონიაში " თამაშობდა და ორი წლის წინ ის ესპანეთის ჩემპიონიც გახდა, რის შემდეგაც მოსკოვურ კლუბს შეუერთდა.
აღნიშნულის გამო ის ქართველმა გულშემატკივრებმა მკაცრად გააკრიტიკეს. საზოგადოების ნაწილი მიიჩნევს, რომ ქვეყნის ნაკრების კაპიტანი მოსკოვის CSKA-ში არ უნდა თამაშობდეს, თუმცა არიან ისეთებიც, რომლებიც ამბობენ, რომ სპორტი და პოლიტიკა ერთმანეთისგან უნდა გაიმიჯნოს და არაფერია გასაკვირი შენგელიას ამგვარ ქმედებაში.
"სპორტი უნდა გავმიჯნოთ პოლიტიკისგან, სამწუხაროდ, ეს ხშირად პირიქით ხდება" - ამბობდა კრიტიკოსების საპასუხოდ შენგელია.