"ვიცით, რომ რუსეთის ბევრი მოქალაქე ომის წინააღმდეგია... გთხოვთ, მხარდაჭერა არამხოლოდ "ინსტაგრამზე", არამედ ქუჩებში გამოსვლით გამოხატოთ" - ვლადიმერ ზელენსკი რუსეთის მოქალაქეებს
უკრაინის პრეზიდენტი ვლადიმერ ზელენსკი რუსეთის მოქალეებს განცხადებით მიმართავს. ზელენსკი სთხოვს რუსების იმ ნაწილს, ვინც უკრაინის მიმართ სოლიდარულია, საკუთარი მხარდაჭერა ქუჩებში გამოსვლით გამოხატონ.
"ჩვენ ვიცით, რომ რუსეთის ბევრი მოქალაქე შოკირებულია იმით, რაც ახლა ხდება. რუსეთის მოქალაქეები სოციალურ ქსელებში წერენ, რომ ომის წინააღმდეგები არიან. ჩვენ ამას ვხედავთ, მაგრამ ვერ ხედავს რუსეთის ხელისუფლება. ამიტომ მოგმართავთ თხოვნით, თუკი ჩვენი გესმით: თუკი ხედავთ, რომ რუსეთი თელავს დამოუკიდებელ სახელმწიფოს, გამოდით მოედნებზე, მიმართეთ თქვენი ქვენის პრეზიდენტს. ჩვენ უკრაინელები ვართ, საკუთარ მიწაზე ვიმოფებით, თქვენ რუსები - ახლა თქვენმა ჯარმა დაიწყო ომი, ომი ჩვენს სახელმწიფოში. ვისურვებდი, რომ თქვენი დამოკიდებულება გამოიხატოს წითელ მოედანზე. თქვენი ქვეყნის სხვადასხვა ქალაქის ქუჩებში, მოსკოვში, სანკტ-პეტერბურგში და არამხოლოდ "ინსტაგრამზე". ეს ძალიან მნიშვნელოვანია" - აცხადებს ზელენსკი.