"როგორ იამაყებდნენ თქვენით დიდი ნინო და ილიკო!" - ანსამბლი "სუხიშვილები" გასტროლით უკრაინაში მიდის

"დამთავრდა ჩვენი პოლონური ტური წარმატებული 20 კონცერტი! დღეს მივემგზავრებით უკრაინაში! წინ კიდევ 43 კონცერტი და 35 ქალაქია!"- ეს ინფორმაცია გამოქვეყნდა როგორც ქართული ნაციონალური ბალეტის "ფეისბუქის" ოფიციალურ გვერდზე, ასევე ანსამბლის დირექტორის ნინო სუხიშვილის პირად გვერდზეც.

სოციალური ქსელის მომხმარებლები წერენ, რომ დღევანდელი უკიდურესი დაძაბულობის ფონზე, ეს ჩვენი მეგობარი უკრაინისადმი თანადგომის კარგი მაგალითი და გმირობის ტოლფასი საქციელია.

"ნინო, ყოჩაღ! როგორ იამაყებნენ თქვენით დიდი ნინო და ილიკო! რამხელა საქმეს აკეთებთ! ეს არის საზოგადოებრივი დიპლომატია, როცა საერთაშორისო სივრცეში ქვეყნის საამაყო ადამიანები თავისი ნიჭით, მიღწევებით, თავისი ქვეყნის პოლიტიკურ საქმეს აკეთებენ. მსოფლიოს სხვა და სხვა ქვეყნებში საქართველოს იმიჯს მაღლა სწევენ და მეტ მეგობრებს იძენენ. ვისაც ეს ესმის ყოვენაირად უნდა შეგიწყონ ხელი, რომ თქვენი აბსამბლი საქართველოს მშვიდობიან დესპანად აღიარონ და ფინანსურად მხარში ამოგიდგნენ. თქვენ ჭეშმარიტად ეროვნულ საქმეს უძღვებით, შენ და ილუშკა, თქვენი თუნდაც ერთი კონცერტი მთელი საგარეო საქმეთა სამინისტროს მუშაობას უდრის! ულევ წარმატებებს და მიღწევებს გისურვებთ დიდი სიყვარულით!" - წერს მომხმარებელი ნანა გონგაძე.