მნიშვნელოვანი ინფორმაცია
15
ივნისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 01:02-ზე – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. არ არის რეკომენდებული ხელშეკრულებების გაფორმება, ახალ სამსახურში გადასვლა. დაუფიქრებლად მოქმედება, მთვრალ ადამიანებთან ურთიერთობა, უცნობ ადამიანებთან კონტაქტი. მიიღეთ მარტივი საკვები და დაიცავით დიეტა. ორგანიზმის გადატვირთვამ შეიძლება გამოიწვიოს უსიამოვნო შედეგები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"თუ სიმღერას პუტინისთვის ასრულებ, ჩვეულებრივი მოღალატე ხარ, მაგრამ..." - ვინ რას ფიქრობს საჯარო სივრცეში რუსული სიმღერების აკრძალვაზე?
13:03 / 23-02-2022
რუსეთის მიერ უკრაინის ტერიტორიების ე.წ. დამოუკიდებლობის აღიარების შემდეგ, ცივილიზებული მსოფლიო რუსეთის წინააღმდეგ ერთიანდება. წამყვანი დასავლური ქვეყნები ინდივიდუალურად თუ ერთობლივად სანქციებს უწესებენ პუტინის რეჟიმს. ყველა ცდილობს თავისი პროტესტი რუსული იმპერიალისტური პოლიტიკის წინააღმდეგ რაიმე ფორმით გამოხატოს. ქართველებიც უკრაინის მიმართ სოლიდარობას სხვადასხვა ფორმით გამოხატავენ. მაგალითად, გაჩნდა ინიციატივა, რომ საჯარო სივრცეებში რუსულენოვანი სიმღერები აიკრძალოს. ამის თაობაზე ხელოვნების სხვადასხვა სფეროს წარმომადგენლებს ვკითხეთ და განსხვავებული პასუხები მივიღეთ.
თიკა ჯამბურია:
- მე მგონია, რომ დიდი ხანია უკვე აკრძალულია, დიდი ხანია არსად არ მსმენია გარეთ, საზოგადოებრივი თავშეყრის ადგილებში რუსული სიმღერები. ამაზე ჯარიმებიც იყო და ახლა რა ხდება, არ ვიცი. რაც შეეხება აკრძალვას, ვემხრობი. ჩემს რეპერტუარში იყო ზემფირას ერთი სიმღერა, ძალიან მიყვარდა, დიდი ხნის წინ ვმღეროდი.
თემურ თათარაშვილი:
- მე იმდენი ქართული სიმღერა მაქვს, რომ შეველევი რუსულ სიმღერებს და ვინც წერს, რომ უნდა აიკრძალოს, იმათ მოკითხეთ, რამდენი აქვთ ქართული სიმღერა რეპერტუარში.
ეკა მამალაძე:
- ისედაც უკვე ვიღა მღერის რუსულად... ასე აკრძალვა, არ ვიცი, მაგრამ ისედაც უკვე ისეთი ცხოვრება მოვიდა, რომ არავის აქვს სურვილი იმღეროს რუსულად.
მარიამ როინიშვილი:
- რა თქმა უნდა, უნდა ვებრძოლოთ რუსულ იდეოლოგიას. თუ მსგავსი აკრძალვები შედეგს გამოიღებს, ჩემთვის მისაღები იქნება.
იმედა კახიანი:
- მაგას ვინც ამბობს, არცერთს ჭკუა არ აქვთ თავში. როგორ შეიძლება, ეს რა ლაპარაკია. ვერ ყოფილან კარგად, მაშინ მარტო რუსული სიმღერები კი არა, ტოლსტოი და ჩეხოვიც ავკრძალოთ და არ წავიკითხოთ. რა კარგი ინტელიგენცია გვყოლია და რა ჭკვიანი ხალხი. სირცხვილია, არ თქვათ სადმე, ვინმემ არ გაიგოს...
თამრიკო ჭოხონელიძე:
- არ ვარ მომხრე, მაგრამ ეს იმას არ ნიშნავს, რომ ტაშს უკრავ და ვღებულობ... რუსული არხებიც უნდა იყოს, არ ვარ ამისი აკრძალვის მომხრე, რადგან უნდა იცოდე, რას გადმოსცემენ. რაც შეეხება სიმღერებს, ეს დამოკიდებულია იმაზე, ვის რამდენად აქვს ამისი შესრულების სურვილი. ერთი რამ ფაქტია, რომ როდესაც რუსულ სიმღერას მათზე კარგად ასრულებ, ესეც გარკვეული სვლაა იმისკენ, რომ კიდევ ერთხელ დაანახო, რომ ვერ გჯობნიან და ვფიქრობ, ამაში ცუდი არაფერია. თუმცა დღევანდელ ვითარებაში სურვილი არ გიჩნდება, რომ რუსულად იმღერო.
ამისი ძალიან დიდი ტრადიცია გვაქვს საქართველოში. თუნდაც თამარ გვერდწითელი, რომელიც ქართული ესტრადის სათავეებთან იდგა, აქ ვერ დააფასეს და ახლა რუსეთში მოღვაწეობს. რუსული კულტურული ელიტის წარმომადგენლები მას ასე მიმართავენ, - როდესაც თქვენ მღერით, ჩვენ ვდუმვართო... რაც ბევრჯერ დავადუმებთ რუსებს, ამაში ცუდი არაფერი იქნება.
მთავარია ვისთვის ასრულებ, თუ სიმღერას პუტინისთვის ასრულებ, ჩვეულებრივი მოღალატე ხარ. მაგრამ თუ სურვილი გაქვს კიდევ ერთხელ დაანახო როგორ კარგად მღერი, თუნდაც რუსულ სიმღერას, ამაში ცუდს ვერაფერს ვხედავ.
მკითხველის კომენტარები /
94 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა ამბავია რა შარში იხვევთ თავს.ერთი სიტყვით უარი უთხრათ რუსულ სიმღერას.მაგრამ შეხედეთ კომენტარებს მკაფიოდ გამოხატულია აზრი რომ კულტურამ რა დააშავა.სიმღერაზეა ლაპარაკი.ისე ბევრი გვყოლია ვოვკას რუსეთის მომხრე.
არანაირ ფუფუნებაზე უარს არ ამბობთ და ვიღაც რომ მარშუტკაში რუსულ სიმღერას ჩართავს იმის გაპროტესტებაზე ეგეთი ხმაურის ატეხვა არის ვითომ პატრიოტიზმი. დიდ ნაგვის ურნაში ჩასარეცხი ხალხი ხართ თქვენ