მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მიხეილ სააკაშვილი ვეღარ გადაიტანს იმ სახით შიმშილობას, რაც უკვე ვნახეთ... ერთადერთი გამოსავალია მისი გადაყვანა უცხოეთის აღიარებულ კლინიკაში" - რომან გოცირიძე
19:06 / 22-02-2022
ხელისუფლება იქცევა არაადამიანურად, ვინაიდან, არაფერი არ დაუტოვა გარდა იმისა, რომ კვლავ პროტესტის ფორმა გამოიყენოს, რომელიც შეიძლება სიცოცხლის ფასადაც კი დაუჯდეს , - ამის შესახებ "ნაციონალური მოძრაობის“ ერთ-ერთმა ლიდერმა, რომან გოცირიძემ "პალიტრანიუსის“ გადაცემაში "დღის ნიუსრუმი“ მიხეილ სააკაშვილის მიერ შიმშილობის დაწყებაზე საუბრისას განაცხადა.
რომან გოცირიძის თქმით, ერთადერთი გამოსავალი დღეს მიხეილ სააკაშვილის უცხოეთში აღიარებულ კლინიკაში სამკურნალოდ გადაყვანაა, წინააღმდეგ შემთხვევაში შეიძლება ფატალური შედეგი მივიღოთ.
"ძალიან სამწუხაროა და ძალიან ცუდია იმიტომ, რომ შეიძლება მიხეილ სააკაშვილის ჯანმრთელობის ძალიან სერიოზული დაზიანებები მოჰყვეს. ხელისუფლება იქცევა არაადამიანურად, ვინაიდან, არაფერი დაუტოვა გარდა იმისა, რომ კვლავ პროტესტის ფორმა გამოიყენოს, რომელიც შეიძლება სიცოცხლის ფასადაც კი დაუჯდეს - შიმშილობის გამეორება, როგორც თავად წავიკითხეთ გამოქვეყნებული მასალებიდან, რაც ჰოლანდიელი ექიმის რჩევების სახით იყო ნაჩვენები.მიხეილ სააკაშვილი ვერ გადაიტანს იმ სახის შიმშილობას, რომელიც ჩვენ უკვე ერთხელ ვნახეთ, ამიტომ ხელისუფლება ვალდებულია, გადადგას ადეკვატური ნაბიჯები, პასუხისმგებლობა პატიმრის სიცოცხლესა და ჯანმრთელობაზე არის ხელისუფლებაზე. როდესაც შეგნებულად არც ექიმებს უშვებ, არც ანალიზებს უტარებ, ციხის ექიმიც კი თურმე 6:00 საათის შემდეგ მიუწვდომელია, უკვე ყველანაირად შეზღუდეს, შეიძლება ჩავთვალოთ, რომ მიზანმიმართულად ეწევიან მისი ჯანმრთელობის დაზიანებას იმ დონით, რომ როდესაც მიხეილ სააკაშვილი გამოვა გარეთ, ის იყოს პოლიტიკურად ქმედუუნარო. ეს არის ძალიან ვერაგული გეგმა და ამაზე ხელისუფლება პასუხს აგებს.
ერთადერთი გამოსავალი დღეს არის მიხეილ სააკაშვილის გადაყვანა სამკურნალოდ უცხოეთში აღიარებულ კლინიკაში. წინააღმდეგ შემთხვევაში შეიძლება მივიღოთ ფატალური შედეგი და ეს არ დამთავრდება კარგად არც საქართველოს ხელისუფლებისთვის“, - განაცხადა რომან გოცირიძემ.
რომან გოცირიძემ მიხეილ სააკაშვილის შიმშილობასთან დაკავშირებით ხელისუფლების წარმომადგენლების მიერ გაკეთებული განცხადებებიც შეაფასა და "უზნეო“ უწოდა.
მისივე თქმით, პასუხისმგებლობას ვერავინ გაექცევა და "ასეთი გამონათქვამები ძალიან მძიმედ დაუჯდებათ“.
"ხელისუფლების წარმომადგენლების განცხადებები უზნეო განცხადებებია. "გინდ ჭამოს და გინდ იშიმშილოს“ - როგორ შეიძლება, ადამიანი დეპუტატი ხარ, ხელისუფლებას წარმოადგენ და ასეთ განცხადებას აკეთებ. ეს არ არის არც დამცინავი, არც დამამცირებელი განცხადება, ეს არის განცხადებას როდესაც ადამიანს სწირავ სასიკვდილოდ. როგორ შეიძლება 50 - დღიანი შიმშილობის შემდეგ მოუწოდო, რომ ეს შენი არჩევანია. მინისტრი გამოდის და ყველას უფლებაა იშიმშილოსო. როდესაც არ არსებობს სასამართლო, როდესაც ნებისმიერი გადაწყვეტილება მიიღება ერთი ადამიანის კარნახით, სხვა გამოსავალი რა დარჩენია?
ჩვენ შევიკრიბებით ამ დღეებში, ხვალ ან ზედ და დავსახავთ გეგმას არსებული რეალობიდან გამომდინარე იმიტომ, რომ ყოველი დღეს მიხეილ სააკაშვილის შიმშილობისა აახლოებს მას რეალურად ქმედუნარიანობის დაკარგვის საფრთხესთან. ასე გაგრძელების შემთხვევაში ძალიან მძიმე ცოდვას ჩაიდენს ნებისმიერი ის ადამიანი, რომელიც ივანიშვილის პირდაპირ ბრძანებას ასრულებს. პასუხისმგებლობას ვერავინ ვერ აიცილებს. ასეთი გამონათქვამები ძალიან მძიმედ დაუჯდებათ ამ ადამიანებს“, - განაცხადა რომან გოცირიძემ.
გარდა მიხეილ სააკაშვილის საკითხისა, დეპუტატმა "პალიტრანიუსის“ ეთერში უკრაინა - რუსეთის კრიზისზეც ისაუბრა და აღნიშნა, რომ თუ ამ კრიზისს საქართველოს კონტექსტში განვიხილავთ, კარგად გამოჩნდება, რა მოხდა 2008 წელს.
"თუ საქართველოს კონტექსტს განვიხილავთ, ყველამ კარგად დაინახა რა მოხდა 2008 წელს. მრავალწლიანი ბრძოლა დაჭირდა საქართველოს, რომ დაემტკიცებინა თავისი სიმართლე იმ ტოტალური დეზინფორმაციის ნიაღვარში, რომელსაც ხელს უწყობდა თავად საქართველოში არსებული მოღალატეთა კლასი, მათ შორის საქართველოს ხელისუფლების წარმომადგენლები, რომლებიც აბრალებდნენ საქართველოს მაშინდელ პოლიტიკურ ხელმძღვანელობას ომის დაწყებას და ფაქტობრივად, რუსეთის აგრესიას ამართლებდნენ“, - განაცხადა რომან გოცირიძემ.
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნაგლობის ხარისხი ნახე, რა- ჩვენ რაც ვნახეთო!!! ჩვენ რაც ვნახეთ იმას ქვია ჭამა-სმა დიდად შესარგი.
"მკურნალობის პროცესში" მასაჟისტები და სექს მუშაკებიც ხომ არ მივაშველოთ? ნუ შეგრცხვებათ, შეგვახსენეთ კიდევ რით შეგვიძლია გავახაროთ?)))