გორში მამაკაცი დაჭრეს, დაშავებულს სხეულზე ბასრი საგნით მიყენებული 10-ზე მეტი დაზიანება აღენიშნება
გორში 45 წელს გადაცილებული მამაკაცი დაჭრეს. დაშავებულს სხეულზე ბასრი საგნით მიყენებული მრავლობითი დაზიანებები აღენიშნება.
მომხდარის მიზეზი ჯერჯერობით უცნობია. დაჭრილი მამაკაცი სასწრაფო დახმარების ჯგუფმა კლინიკაში გადაიყვანა.
"გორმედის“ ექიმის, დავით გასიტაშვილის ინფორმაციით, კლინიკაში შეყვანისას პაციენტს თავის, კისრისა და ზედა კიდურების არეში ბასრი საგნით მიყენებული 10-ზე მეტი ჭრილობა აღენიშნებოდა.
"პაციენტს გაეწია გადაუდებელი ქირურგიული დახმარება, მისი ჯანმრთელობის მდგომარეობა ამ ეტაპზე სტაბილურია, პაციენტი მოთავსებულია რეანიმაციულ განყოფილებაში“, - განაცხადა დავით გასიტაშვილმა.
შემთხვევის ადგილზე სამართალდამცავები მუშაობენ, მომხდარ ფაქტზე დაწყებულია გამოძიება.