"თავს დამესხა სამი ადამიანი და პოლიცია არ რეაგირებს, სასწრაფოდ სამივე მომიყვანეთ და დაიჭირეთ" - დიზაინერ გიორგი მასხულიას თქმით, მას ფიზიკურად გაუსწორდნენ
დიზაინერ გიორგი მასხულიას ინფორმაციით, გუშინ ღამით კლუბ "ოთახში“ სამი ადამიანი დაესხა თავს და ფიზიკურად გაუსწორდა.
მასხულია თავდამსხმელების დაკავებას და დასჯას ითხოვს. მისივე განმარტებით, მომხდარის შედეგად საავადმყოფოში მოხვდა.
"კლუბ "ოთახში“, ახვლედიანის # 6-ში, თავს დამესხა სამი ადამიანი და პოლიცია არ რეაგირებს. სასწრაფოდ სამივე მომიყვანეთ და დაიჭირეთ. "ჰელსიკორის“ საავადმყოფოში ვარ.
ვატარებ კონკურსებს, ვემსახურები საქართველოს კულტურას და თავს მესხმიან, ამის ღირსი არ ვარ“, - აცხადებს გიორგი მასხულია ვიდეოში, რომელსაც სოციალურ ქსელში თავად ავრცელებს.